شارپرێس:
بەرپرسێکی حەشدی شەعبی ڕایدەگەێنێت "ئه‌مریكا هێزی پشتیوانیی ره‌وانه‌ی بنكه‌ی سه‌ربازیی كه‌ی وه‌ن له‌ كه‌ركووك کرووە".

ئەمڕۆ هەینی محه‌مه‌د مه‌هدی به‌یاتی لێپرسراوی ناوچه‌ی باكور له‌ حه‌شدی شه‌عبی  له‌ كۆنگره‌یه‌كی رۆژنامه‌وانییدا له‌ كه‌ركووك باسی لەوەکرد "ئه‌مریكا هێزی پشتیوانیی، كه‌ چه‌كی قورس و ئۆتۆمبیلی زرێپۆشیان پێبوە، ره‌وانه‌ی بنكه‌ی سه‌ربازیی كه‌ی وه‌ن كردووه‌ له‌ شاره‌كه‌".

محه‌مه‌د مه‌هدی به‌یاتی ئاماژەی لەوەکرد "ژماره‌ی سه‌ربازانی ئه‌مریكا له‌ كه‌ركووك هاوتایه‌ له‌گه‌ڵ ژماره‌ی سه‌ربازانی ئه‌و وڵاته‌ له‌ بنكه‌ی سه‌ربازیی عه‌ین ئه‌سه‌د له‌ ئه‌نبار و داوای له‌ حكوومه‌تی به‌غدا كرد هۆكاری مانه‌وه‌ی سه‌ربازه‌كان له‌ شاره‌كه‌ روونبكاته‌وه‌".

به‌یاتی ئەوەشی وتوە "سه‌ربازانی سوپای ئه‌مریكا چه‌ند جارێك له‌ ده‌ورووبه‌ری كه‌ركووك و گونده‌واری شارۆچكه‌ی حه‌ویجه‌ ده‌ورییه‌یان ئه‌نجامداوه‌".
هـ ـ ر