ئەمڕۆ مامۆستایان له‌سه‌رانسه‌ری‌ عیراق ده‌ست به‌ مانگرتن ده‌كه‌ن

عیراق

17/02/2019‌ 750 جار خوێندراوه‌ته‌وه

شارپرێس:
نه‌قیبی‌ سەنیدکای مامۆستایانی‌ عیراق رایدەگه‌ێنێت "بۆ نیشاندانی ژمارەیەک داوکاری مامۆستایان  له‌سه‌رانسه‌ری‌ عیراق مامۆستایان ده‌ست به‌ مانگرتن ده‌كه‌ن".

عه‌باس كازم ئه‌لسودانی‌ نه‌قیبی‌ سەنیدکای مامۆستایانی‌ عیراق بە ماڵپەری سۆمه‌ریه‌ نیوزی راگه‌یاندوە "ئەمڕۆ و سبه‌ینێ ١٧ و ١٨ی شوبات مامۆستایان له‌سه‌رانسه‌ری‌ عیراقدا مان ده‌گرن".

عه‌باس كازم ئه‌لسودانی‌ ئاماژەی بەوەداو  "مانگرتنەکە‌ بۆ خستنه‌ڕووی‌ داواكاری‌ مامۆستایانه‌ كه‌ داواكاری‌ یه‌كه‌میان ئه‌نجامدانی‌ چاكسازییه‌ له‌ بواری‌ په‌روه‌رده‌دا و داواكاری‌ دووه‌میش باشكردنی‌ بارودۆخی‌ قوتابیانی‌ عیراقی و چاكسانی‌ له‌ پرۆگرامه‌كانی‌ خوێندندا".

نەقیبی سەنیدکای مامۆستایانی عێراق ئەوەشی وتووە "داواكاری‌ سێیه‌میان دابینكردنی‌ بودجه‌یه‌كی‌ شایسته‌یه‌ بۆ وه‌زاره‌تی‌ په‌روه‌رده‌ تا بتوانرێت له‌ڕێی‌ خولی‌ راهێنانه‌وه‌ توانای‌ مامۆستایان په‌ره‌ی‌ پێبدرێت و هەروەها داواكاری‌ چواره‌میان دابینكردنی‌ شوێنی‌ نیشته‌جێبوونه‌ بۆ مامۆستایان كه‌ ده‌ستووری‌ عیراق بڕیاری‌ لێداوه‌".


مانگرتنه‌كه‌ش هه‌رێمی‌ كوردستان ناگرێته‌وه‌.


هاوکات سه‌رۆكی‌ ئه‌نجومه‌نی‌ پارێزگای‌ بابل و واستیش پشتگیری خۆیان بۆ داواکارییەکانی مامۆستایان ڕاگەیاندوە و هەردوو ڕۆژەکەیان کردووە بە پشو لەشارەکانیاندا

هـ ـ ر