چوونەپاڵ ئیسرائیل.. هاوپەیمانییەكی هەشت لایەنی دژی ئێران

sharpress.net

5916 جار خوێندراوه‌ته‌وه

20/02/2019‌

شارپرێس:
"یەكێتییەكی (هەشت لایەنە) دژ بەئێران" لەژێر ئەو ناونیشانە، هێرمان نابولسكی لەوتارێكدا سەبارەت بەئامادەباشی "ناتۆی عەرەبی" بۆ چوونەپاڵ ئیسرائیل دژ بەئێران نووسیویەتی: چەند مانگێك لەمەوپێش، ئیدارەكەی دۆناڵد ترامپ سەرۆكی ئەمریكا خەریكی زەمینەسازییە بۆ پێكهێنانی جەمسەرێكی سەربازی تازە بەناونیشانی هاوپەیمانی Defense  .

هەروەها نووسیویەتی: ئامانجی واشنتۆن لەو هاوپەیمانییە تازەیە ستراتیژییەكی ڕۆژهەڵاتی ناوەڕاستە بەیەكبوونی شەش دەوڵەتەكەی ئەنجوومەنی هاریكاری كەنداوی عەرەبی، واتە شانشینی سعودیە، میرنشینەكانی عەرەبی یەكگرتوو (ئیمارات)، كوێت، قەتەر، عومان، بەحرەین، ئەمە جگە لە هەردوو وڵاتی میسر و ئوردون، بەمەبەستی ((دەمكوتكردنی دوژمنكارییەكانی ئێران لەناوچەكە)) و بەرەنگاربوونەوەی تیرۆرو پاراستنی سەقامگیری ڕۆژهەڵاتی ناوەڕاست.

هەروەك ئیمیل حەكیمی گەورە توێژەری پرسە ئەمنییەكانی ڕۆژهەڵاتی ناوەڕاست لەپەیمانگای لێكۆڵینەوە ستراتیژییەكان لەكۆنگرەی میونیخ وتی: بەشداربووانی ئەو هاوپەیمانییەی‌‌ لە ئایندە دێتەئاراوە، بۆ چڕكردنەوەی كۆششەكانی كارلێكردنی ئابووری و وزەیە.

ئەو باسی ئەوەشی كرد، كە لە 5 ی یۆنیۆی 2017 سعودییەو ئیماڕاتو بەحرەین‌و میسر پەیوەندییە دبلۆماسییەكانیان لەگەڵ قەتەر پچڕاند، بەو تۆمەتەی دەوحە پشتیوانی لەتیرۆر دەكات و دەست لە كاروباری ناوخۆی ئەو دەوڵەتانە وەردەدات. 

ئەوەش دەڵێت: ئێنجا سزای ئابووری و گەمارۆیان بەسەردا سەپاند، بەڵام ئێستا هەوڵی ئەوە لە گۆڕە،‌ووڵاتی قەتەر بهێنرێتە ناو ئەو هاوپەیمانەتییەی‌ ئەو دەوڵەتانەشی تێدایە، كە پەیوەندییان لەگەڵ قەتەر پچڕاندووە، ئەمەش بۆمبێكی چێنراوی ناو بناغەی ئەو هاوپەیمانییەی داهاتووە. 

ئەمە سەربارە ئەوەی هەریەك لە دەوڵەتە عەرەبییەكانی ناوچەكه، ‌ شێلگیرە لەسەر ئەوەی ڕۆڵی یەكەمی هەبێت لە بازاڕی نەوتدا، بۆیە هەر وەك شارەزایان دەڵێن ، ئاسۆیەك بۆ سەركەوتنی ئەو ناتۆ عەرەبییە بەدی ناكرێت.

 پرسی ناتۆی عەرەبی لە 13-14 ی فبرایەری ئەمساڵ، لەو لوتكەیە تاوتوێكرا، كە دژ بە ئێران لە واڕشۆ گرێدرا، بەڵام پرسەكە جگە لەلێدوانی قەبە و هاشوهوش ، شتێكی دیكە نەبوو، هاشوهوشی هەرە گەورەش لەوتارەكەی نەتانیاهۆی سەرۆك وەزیری ئیسڕائیلەوە بوو سەبارەت بە ئامادەباشی وڵاتەكەی بۆ جەنگی دژ بە كۆماری ئیسلامی ئێران، دواتر ئەو لێدوانەی لەلایەن نووسینگە ڕۆژنامەوانییەكەیەوە ڕاست كرایەوە.

لێرەدا ئەوەی جێی سەرنج و تێبینییە، كە جەواد زەریفی وەزیری دەرەوەی ئێران لە بارەی هەڕەشەكانی ئەم چەند ڕۆژ و هەفتەی پێشووی ناتۆی عەرەبی وتی: "ئەم هێرشانە ئازاربەخشن".

سەرچاوە: پێگەی ئەلەكترۆنی   RT
وەرگێران: لوقمان حاجی قادر





ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved