شارپرێس:
یونس مەحمود هێرشێکی
تووند دەکاتە سەر تۆپی پێی عێراق و بەوهۆیەشەوە سەرۆک وەزیرانی عێراق بانگی کردوە تا ڕاستی کێشەکانی بۆ باس بکات.
یونس مەحموود، کاپتنی پێشووی هەڵبژاردەی عێراق رایگەیاندوە
"سەرۆکی یەکێتی تۆپی پێی عێراق و جێگرەکەی راستگویی خۆیان لەدەستداوە".
یونس مەحموود، لەچاوپێکەوتنێکی ڕۆژنامەوانیدا ئاماژەی
بەوەداوە "نارەزایەتی خۆی لە یەکێتی تۆپی پێی عێراق پێشاندا و گوتی، عەبدولخالق
مەسعود، سەرۆکی یەکێتی تۆپی پێی عێراق و عەلی جەباری جێگری، متمانەی خۆیان لەدەستداوە
و یەکێتییەکە هیچ بەهایەکی نەماوە".
ئەو یاریزانە وتوشیەتی "ئەگەر حکومەت عێراق پارە لە
یەکێتییەکە ببڕێت، هیچ یەکێک لە ئەندامەکانی ئامادەنین لە کارەکانیدا بمێننەوە".
کاپتنەکەی پێشوی عیراق وتوشیەتی "مووچە و خەرجییەکانی ئەندامانی یەکێتی تۆپی پێی عێراق 400 ملیۆن دینار لەسەر حکومەت
کەوتەوە، ئەوە کوا دەستگرتنە پێیەوە، ئەگەر حکومەت چاودێری و لێپێچینەوە بکات، هیچ یەکێک لە ئەندامەکانی یەکێتی تۆپی پێی عێراق نامێنێت".
ئێستاس یونس مەحموود لەلایەن عادل عەبدولمەهدی، سەرۆکوەزیرانی عێراق
بۆ کۆبوونەوەیەک بانگێشتکراوە و هەفتەی داهاتوو پێکەوە کۆدەبنەوە.
هـ ـ ب