لوبنان یەكەمە.. ڕێژەی "قەیرەیی" لەوڵاتانی عەرەبی بەرزدەبێتەوە

sharpress.net

977 جار خوێندراوه‌ته‌وه

01/03/2019‌

شارپرێس:
لەوڵاتانی عەرەبیدا ڕێژەی "قەیرەیی" لەبەرزبوونەوەدایە ،  كە چەندین هۆكاری سیاسی و ئابووری و كۆمەڵایەتیش لەپشت ئەو دیاردەیەوەیەو لەناو وڵاتانی عەرەبیشدا  وڵاتی لوبنان لەپلەیەی یەكەمدایە.

ئاژانسی "ئەنادۆڵ"ی توركی ڕاپۆرتێكی بڵاوكردووەتەوە و تێیدا باسی لەوە كردووە لەم دواییانەدا ڕێژەی "قەیرەیی" بەشێوەیەكی بەرچاو لەناو كۆمەڵگەكانی وڵاتانی عەرەبیدا بەرزبووەتەوە، كە چەندین هۆكاری جۆراوجۆر بوونەتە هۆی سەرهەڵدان‌و بەرزبوونەوەی دیاردەكە. 


بەگوێرەی دوایین لێكۆڵینەوە لەناو وڵاتانی عەرەبیدا لوبنان لەپلەی یەكەمدا دێت، كە ڕێژەكە %٨٥ ، دوای ئەو ئیمارات دێت، كەرێژەی "قەیرەیی" دەگاتە % ٧٥ ، دواتر هەریەك لەسوریا و عێراق دێن، كە رێژەی "قەیرەیی" دەگاتە %٧٠   ، هەروەك ڕێژەكە لەتونس %٦٢ ،  %٥٠ لەجەزائیر، هەریەك لە ئوردن و سعودییە ڕێژەی "قەیرەیی" دەگاتە %٤٢، میسر و مەغریب %٤٠.

كەمترین ڕیژەی قەیرەیی لەهەریەكە لەیەمەن %٣٠ و بەحرەین %٢٥ تۆماركراوە .

تویژەرانی كۆمەڵایەتی و ئابووری ئەو كێشەیە دەگێڕنەوە بۆ سەر چەند هۆكارێك، وەك هۆكاری ئابووری لەوانەش بوونی مارەیی زۆر، گرانی بژێوی لەزۆربەی ئەو كۆمەڵگایانە دا لەگەڵ نزمی موچە، كە وەڵامدەرەوەی ئەو هەموو پێداویستییە نییە هەیە، هەروەها هۆكاری كۆمەڵایەتی وەك بەرزبوونەوەی خواستی كچان بۆ تەواوكردنی خویندن و هەوڵدان بۆ دەستكەوتنی هەلی كار تا بتوانن پشت بەخۆیان ببەستن. 

تەڵال عەتریسی تویژەری كۆمەڵایەتی لوبنانی دەڵێت: "لە كۆمەڵگەی لوبنانی كچ، كە تەمەنی ٣٠ ساڵی تێپەراند بە قەیرە دادەنرێت ، بەڵام پیاو دوای تێپەراندنی ٤٠ ساڵی ئینجا دەبێت بەقەیرە".

عەتریسی دەشڵێت: تێكرای تەمەنی هاوسەرگیری لەم ساڵانەی دواییدا بەرزبوەتەوە بۆ تێكرای ٢٥ بۆ ٣٠ ساڵ ، كە ئەمەش چەند لایەنێكی نەرێنی هەیە ، وەك كەمبوونەوەی ڕێژەی لەدایك بوونی منداڵان ، ئەمەش وادەكات كۆمەڵگەی لوبنانی ببێتە كۆمەڵگەیەكی پیر و پێویستی بەگەنج بێت ، جگە لەوەی دەبێتە هۆكاری بڵاوبوونەوەی لادانی كۆمەڵایەتی‌و بڵاوبوونەوەی گەندەڵی ، كە ئەمەش پێچەوانەی ئەو دابونەریتانەیە، كە كۆمەڵگەی ئێمە پێیناسراوە.

وەرگێران: ئاكۆ عەبدوڵڵا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved