شارپرێس:
ئەگەر تۆ ئافرەتیتو دەتەوێت بەشێوەیەكی یەكسان لەگەڵ پیاوان مامەڵەت لەگەڵ بكرێت ، ئەوە دەبێت تۆ لەیەكێك لەو شەش وڵاتەی جیهان بژیت.
رۆژنامەی "گاردیان"ی بەریتانی راپۆرتێكی بانكی نیودەوڵەتی بڵاوكردووەتەوە، كە بەپێی راپۆرتەكە هەریەك لە وڵاتەكانی " فەرەنسا و بەلجیكا و لۆكسمبۆرگ و لاتیڤیا و دانیمارك و سوید "، بەیاسا یەكسانییان لەنێوان ژن و پیاودا چەسپاندووە .
راپۆرتەكەی بانكی نیودەوڵەتی لەسەر "ژن و كار و یاسا" بۆ ساڵی ٢٠١٩ لەم هەفتەیەدا بڵاوكراوەتەوە و هەڵسەنگاندنی بۆ جیاكاری بەرانبەر بە ژنان لە ١٨٧ وڵات كردووە ، پێیوایە لەوەتەی دەیەی ڕابردووەوە هیچ وڵاتێك مافی یەكسانی بۆ ژنان و پیاوان نەچەسپاندووە .
پێنوێنەكە هەشت ئاماژەی دیاریكردووە، كە كار دەكاتە سەر ئەو بڕیارە ئابوورییانەی ژنان دەیدەن ، ئەو ئاماژانەش هەر لەئازادیی هاتن و چوون تا دەگاتە موچەی خانەنشینی دەگرێتەوە.
هەروەها بەپێی هەڵسەنگاندنی بانكی نێودەوڵەتیش تەنیا ٦ وڵات سەرجەم خاڵەكانیان تێدا بووە .
وەرگێران: ئاكۆ عەبدوڵلا ئاڵی
سەرچاوە: پێگەی ئەلیكترۆنی sputnik