شارپرێس:
لەناو فیلمی "ئەوە هەموو شتێك دەگۆڕێتthis change every thing"، كە باس لە جیاكاری بەرانبەر بە ژنان دەكات ، نزیكەی ١٠٠ هونەرمەندی ژنو پیاو لە ئەستێرەكانی هۆڵیود دانیان بەوەدا ناوە، كە ڕووبەڕووی جۆرێك لە جۆرەكانی كێچەڵی سێكسی بوونەتەوە.
ڤیستیڤاڵی سینەمایی " میامی" بە نمایشكردنی فلیمی " this change every thing" دەستی بە چالاكییەكانی خۆی كرد ، ئەو فلیمە ٩٧ خولەك درێژە و باسی ئەو جیاكارییە دەكات كە ژنان لە بواری پیشەسازی سینەما و تەلەفزیۆن لە وڵاتە یەكگرتووەكانی ئەمەریكا تووشی دەبن .
ئەو فلیمە كە دەرهێنەری ئەمەریكی تۆم دۆناهۆ دەریهێناوە ، چەندین چاوپێكەوتنی لەگەڵ ئەستێرە گەورەكانی هۆڵیود كردووە ، ئەوانەی هیچ دوودڵ نەبوون لەوەی لە فلیمەكەدا دەربكەون و باس لە ئەزموونە كەسییەكانی خۆیان بكەن ، ئەوەش بە قسەی "دۆناهۆ".
زۆربەی ئەوانەی لەناو فلیمەكەدا چاوپێكەتنیان لەگەڵ كراوە هونەرمەندە ئافرەتەكان بوون ، لەوانە میریڵ ستریب ، شارۆن ستۆن ، ناتالی بۆرتمان ، كایت بلانشێت ، ساندرا ئۆ ، ماری لویز باركەر ، دەرهێنەری ژن میرا نایر ، بەڵام ژمارەی پیاوەكان كەم بوون لەوانە ئالان ئەڵدا ، بۆڵ فیگ.
ئەو هونەرمەندانەی لەناو فلیمەكەدا دەركەوتوون دەڵێن ژن لەچوارچێوەی پیشەسازی سینەما و تەلەفزیۆنی ئەمەریكادا ، لەچەند بوارێكدا ڕووبەرووی جیاكاریی دەبێتەوە یەكێك لە دیارترین جیاكارییەكان بریتییە لە تەنگپێهەڵچنینی سێكسی.
زۆربەی هونەرمەندە ژنەكان پێیان وایە كە هەندێ پێداهەڵدانی پیاوان ناگاتە ئاستی تەنگپێهەڵچنین ، هەروەك بەشێكیش لە ئافرەتەكان قسەی خۆش و گاڵتەو گەپی پیاوان دڵخۆشیان دەكات .
داترین دۆنۆف زۆر بە ئازایانە گوتی " ئافرەت پێویستی بەكەسێكە لەڕێگای وشەی ناسكەوە هەست و سۆزی ببزوێنێ و ختووكەی ناسكی و جوانییەكەی بدات ، بەراستی هەموو پێداهەڵدانێكیش تەنگپێهەڵچنین نییە " .
میڕیڵ ستریب دەربارەی بابەتەكە بەساردییەكەوە گوتی " لە ورووژاندنی بابەتەكە زۆر دواكەوتوون ، ئیستا بەو ئاستە گەورە و مەترسیدار نییە وەك ئەوكاتەی ئێمە دەستمان پێكرد " .
شارۆن ستۆن دژی ئەوە بوو كە بابەتی لەو جۆرە بوروژێنرێت بەتایبەتی لەبابەتێك هەمووی نواندن و چاوپێكەوتن و شەونشینی و شتی لەو جۆرە پێكدێت ، گوتیشی " راستی تێكەڵ بە نواندن دەبێت و دواتر وێنەكەش تەڵخ دەبێت ".
لیان ئاربۆلیدا ، یەكێك لە بەرهەمهێنەرانی فلیمەكە دەڵێت " چارەسەركردنی كێشەكانی وەك تەنگپێهەڵچنینی سێكسی لە شوێنی كار بەشێوەیەكی كردارەكی چارەسەر نابێت ئەگەر سەرەتا هەڵسوكەوتەكانی پەیوەست یەكسانی نەگۆڕێت و هەوڵ بدرێت ژمارەیەكی زۆرتر لە ژنان بچنە پۆستە سیادییەكانەوە ".
فلیمی " this change every thing" بەیەلەم بەڵگەنامەی كردارەكی دادەنرێت كە چاوی خستۆتە سەر پەرچەكرداری چینێكی گەورەی هونەرمەندەكانی هۆڵیود دەربارەی بابەتی جیاكاری دژی ژنان و تەنگپێهەڵچنینی سێكسی .
وەرگێڕان: ئاكۆ عەبدوڵڵا ئاڵی