شارپرێس:
بەپێی ئەو داتا فەرمییانەی حكومەتی توركیا بڵاویكردوونەتەوە ، تێكڕای هەڵاوسان لەتوركیا گەیشتووەتە بەرزترین ئاست، كە لەماوەی ٩ ساڵی رابردوودا هاوتای نەبووە، ئەوەش وەك ئاماژەیەك بۆ بەردەوامیو قوڵبوونەوەی قەیرانی ئابووری لە توركیا .
بەگوێرەی پێگەی "ئەحوال"، كە گرنگی بە كاروباری توركیا دەدات ، داتاكانی پەیمانگای ئاماری توركی ئەوە دەردەخەن لە مانگی كانوونی یەكەمی رابردوو رێژەی بێكاریی گەیشووەتە ١٣،٥% ، ئەوەش لەساڵی ٢٠١٠ وە بەرزترین ئاستە .
بۆ دەنگدەرانی توركیا لەهەڵبژاردنە ناوخۆییەكانی توركیا، كە وابڕیارە لە كۆتایی مانگی ئازار بەڕێوەبچێت ، ئابووری توركیا بابەتێكی گرنگە ، ئەوەش لەسایەی بەردەوامی لاوازی لیرە و مانەوەی تێكرای هەڵاوسان لەئاستی ٢٠%..
بەپێی داتاكانی پەیمانگای ئاماری توركیو " وركستات" لەماوەی مانگی كانوونی یەكەم تێكڕای بێكاریی ١،٣% لەچاو هەمان مانگی ساڵی رابردوو بەرزتربووەتەوە ، بەجۆرێك ژمارەی بێكارەكان لەتوركیا گەیشتووەتە ٣،٤ ملیۆن بێكار ، بەوەش ملیۆنیك بێكاری لەساڵی رابردوو زیاترە .
محەمەد بەیرەقدار سەرۆكی سەندیكای كرێكارانی سەربەخۆ لەلەكەرتی تەندرووستی لەلێدوانێكی رۆژنامەوانیدا وتی: ژمارەی ئەو كەسانەی لە زانكۆ دەرچوون و بێكارن ژمارەیەكی ترسناكە ، بەجۆرێك لەكۆی چوار ملیۆن دەرچوو یەك ملیۆنیان بێكارن ، ئەمەش مانای وایە كە فێركردنی باش بەس نییە بۆئەوەی لەتوركیا كارت دەستبكەوێت .
هەر بەپێی زانیارییەكانی پەیمانگای ئاماری توركی، ساڵی رابردوو رێژەی بێكاریی لەناو گەنجانی توركیا ، ئەوانەی هەڵگری بروانامەی زانكۆیین گەیشتووەتە ١٢،٨% .، بەڵام بڕوا وایە كە ژمارە راستەقینەكە زۆر لەو ژمارەیە گەورەتر بیت ، چونكە ئەو ژمارەیە تەنیا ئەو دەرچووانە پیشان دەدات، كە لەڕێگای پەیمانگای ئاماری توركییەوە بەدوای كاردا دەگەڕێن ، ئەوەش ئەو جێگا حكوومییەیە كە بەرپرسە لە دۆزینەوەی هەلی كار لە وڵاتدا .
وەرگێڕان: ئاكۆ عەبدوڵڵا ئاڵی