خواردنی بریانی.. لەوڵاتی فارسەوە بۆ سەرانسەری جیهان

هەمەڕەنگ

18/03/2019‌ 1658 جار خوێندراوه‌ته‌وه

 شارپرێس:
سەبارەت بەرەگ و ریشەی ناونانی بریانی بۆچوونی جیاواز هەیە ، هەندێك دەڵێن لە وشەی  Beiryan فارسییەوە هاتووە، كە بەمانای سووركراوە دێت ، هەندێكی تر دەڵێن لەوشەی berenj  هاتووە كە مانای برنج دەگەیەنێت .

كەواتە پێدەچێت رەگوریشەی خواردنەكە فارسی بێت ، بەڵام چۆن گۆڕدرا بۆ خواردنێكی هیندیی؟

دەوترێت مەگٶلەكان ئەو كەسە بوون دوای داگیركردنی هیندستان ئەو خواردنە فارسییەیان گواستەوە بۆ ئەوێ .

لەشاری كالیكۆتی هیندییشەوە لەڕێگای بازرگانە عەرەبەكانەوە گواستراوەتەوە بۆ نیمچە دوورگەی عەرەبی، بەڵام گێڕانەوەیەكی تر دەڵێت سەرەتا بریانی لە وڵاتی كازاغستانەوە بەڕێگای ئەڤغانستانەوە گەیشتۆتە هیندستان . 

هەرچەندە بیروبۆچوونەكان لەسەر رەگوریشەی خواردنەكە جیاواز بن ، بەڵام ناكرێ نكووڵی لەتام و چێژی بریانی بریانی بكرێت كە ئیستا بۆتە خواردنێكی جیهانیی. 

وەرگێڕان: ئاكۆ عەبدوڵڵا ئاڵی