شارپرێس:
یەكێتی ئەوروپا رایگەیاند، لەگەڵ ئەمەریكا سەرڕێژی بازرگانی هەیە، بەڵام لەگەڵ چین تووشی كورتهێنانی بازرگانی بوون، ئەمەش پەرە بە ناكۆكیی و ململانێ بازرگانییەكانی نێوان ئەو سێ گەورەترین بازرگانییەی جیهان دەدات .
نووسینگەی ئامارەكانی سەر بە یەكییەتی ئەوروپا "یۆرۆستات" دەڵێت لە مانگی كانوونی دووەمدا زێدەبایی بازرگانیی شمەك لەگەڵ وڵاتە یەكگرتووەكانی ئەمەریكا گەیشتۆتە ١٣ ملیار دۆلار ، ئەوە لەكاتێكدا ساڵی پار ١٠،١ بوو، بەڵام لەگەڵ چین كورتهێنانی بازرگانی زیادی كردووە بۆ ٢٠،٨ ملیار دۆلار .
دۆناڵد ترامپی سەرۆكی وڵاتە یەكگرتووەكانی ئەمەریكا چەند جارێك نیگەرانیی خۆی لەو سەرڕێژیی ئابوورییەی ئەوروپا دەربڕیوە ، بۆیە بۆ دانانی سنوورێك بۆ هاوردەكاردنی باجی خستە ئاسن و ئەلەمنیۆمی ئەوروپاوە ، هەروەك هەڕەشەی ئەوەی كرد كە هەمان شتیش بەرانبەر بە بازرگانی ئۆتۆمبێل و پێكهاتەكانی دەكات.
لەلایەكی تر ئەو سەرڕێژەی لە مامەڵەی بازرگانی نێوان چین و یەكییەتی ئەوروپادا هەیە ، بۆتە هۆی درووستبوونی ئاڵۆزی بازرگانی لەنێوان هەردوولا درووستكردووە ، ئەمەش وایكردووە كە یەكییەتییەكە هەڵوێستێكی توند بەرانبەر بە چین بگرێتە بەر ، بۆ نموونە پلانێكی داناوە كە لە ١٠ خاڵ پێكهاتووە تاوەكو هاوسەنگی لە پەیوەندییە بازرگانییەكانی نێوان هەردوولادا درووست ببێت .
بەتێكڕایی كورتهێنانی بازرگانیی شمەك لەنێوان یەكییەتی ئەوروپا و چین لەمانگی كانوونی دووەم گەیشتۆتە ٢١ ،٩ ملیار دۆلار .
وەرگێڕان: ئاكۆ عەبدوڵڵا ئاڵی