شارپرێس:
سهرۆكی پارتی دیموكراتی
كوردستان رایدەگەێنێت "هەر هەوڵێك بۆ سەپاندنی واقیعێك كە پێچەوانەی جوگرافیا
و مێژوو و باری كۆمەڵایەتیی ناوچەكان بێت، گرفتەكان قوڵتر دەكاتەوە و قابیلی قبوڵكردنیش
نییە".
ئەمڕۆ سێشەممە 19ی
ئازاری 2019، مەسعود بارزانی، سهرۆكی پارتی دیموكراتی كوردستان بە مەبەستی تاوتوێكردن
و گفتوگۆ لەسەر كێشە و گرفتەكانی ناوچەی زومار، لەگەڵ كەسایەتی و ریشسپی و نوێنەرانی
پێكهاتەكان و جەماوەر و دانیشتووانی دەڤەری زوومار كۆبوەوە.
لەڕاگەیاندراوێکدا بارەگای
بارزانی ڕایگەیاندوە "مهسعود بارزانی بە پێویستی زانیوه مادەی 140ی دهستوری
عیراق بە "لێكگهیشتن و ئاشتی" جێبەجێبكرێت و وتویهتی "ئەگەر دەستور
جێبەجێ بكرایه ئێستا دۆخی عیراق بەشێوەیەكی باشتر دەبوو. هەر هەوڵێك بۆ سەپاندنی
واقعێك كە پێچەوانەی جوگرافیا و مێژوو و باری كۆمەڵایەتیی ناوچەكان بێت، گرفتەكان
قوڵتر دەكاتەوە و قابیلی قبوڵكردنیش نییە".
دەربارەی بارودۆخی سیاسیی
عیراق و روداوەكانی دوای ریفراندۆم، مەسعود بارزانی ڕایگەیاندوە "لەدوای هەڵبژاردنەكانی
عیراق قۆناغێكی دیکە هاتووەتە ئارا و هەموو لایەك هەوڵدەدەین كە سود لەو كەشە ئیجابییە
وەربگرین بۆ جێبەجێكردنی پڕەنسیپەكانی برایەتی و پێكەوەژیان و نەهێشتنی تیرۆر".
مەسعود بارزانی بە
ئاماژەدان بە هەڕەشەی تیرۆر وتی "فەرهەنگی پێكەوەژیان باشترین چەكە بۆ لەنێوبردنی
هزری تووندڕۆیی و تیرۆر، ئەوەشی خستەڕوو "پێویستە فكری تیرۆر ریشەكێش بكرێت و
لە كوردستاندا ئێمە هەموومان لە مرۆڤبووندا براین و جیاوازی نەتەوەیی و ئایینی كێشە
نییە، هەڵسەنگاندنی مرۆڤیش لەسەر بنەمای رەفتارەكانیەتی نەك بیروباوەڕ".
هـ ـ ب