بۆچی ئەمریكا فڕۆكەی هەڵگری مووشەكی ئەتۆمی رەوانەی ئەوروپا دەكات؟

sharpress.net

1745 جار خوێندراوه‌ته‌وه

20/03/2019‌

شارپرێس:
"فڕینی ئەتۆمی، بۆچی ئەمریكا فڕۆكەی بی 52 دەنێرێت بۆ ئەوروپا؟"، ناونیشانی وتارێكی (رفائیل فخرالدینوف)ە لەگۆڤاری (گاریتا رۆ)، دەربارەی ناردنی شەش مووشەكی ئەتۆمی ستراتیژی لەلایەن ئەمەریكاوە بۆ ئەوروپا زانیاری داوە.

بەپێی وتارەكە، ئەمەریكا لە هەفتەی رابردوودا هەستاوە بە ناردنی شەش مووشەكی ستراتیژی بی 52 بۆ ئەوروپا، پێش ماوەیەكیش، سەرۆكی دەستەی سەرۆكانی ئەركان جۆزیف دانفۆرد رایگەیاندبوو، كە نابێت ئەمەریكا دەستبەرداری مافی یەكەمین لێدانی ئەتۆمی ببێت.

هەر بەپێی وتارەكە، ژمارەی سەرجەم كڵاوە ئەتۆمییە جەنگییەكانی ئەمەریكا دەگاتە 1393 و لە روسیاش 1561 كڵاوەیە، واشنتۆن وای دەبینێت مافی ئەوەی هەیە یەكەم لێدانی ئەتۆمی ئاراستە بكات، بەڵام مۆسكۆ بە گوێرەی بیروباوەڕی بەرگری سەربازی، ناتوانێت چەكی ئەتۆمی بەكاربهێنێت، مەگەر چەكی كۆكوژ دژی بەكاربهێنرێت بەشێوەیەك هەڕەشە بێت بۆسەر هەبوونی دەوڵەتەكەی.

لەو چوارچێوەیەدا، خولییەكی ئەمەریكی (American Thinker)  نوسیویەتی: لەپاش گەیشتن بە چەند ئەنجامێكی ئەزموونكراو، ئەمەریكا لە حاڵەتی ئەگەری رووبەرووبونەوەی سەربازی لە بەرانبەر روسیاو چیندا دەدۆڕێت.

لەو رووەوە، مانگی پێشوو ، یۆرگن تریتینی ئەندام پەرلەمانی ئەڵمانی وتی : ئاسایش لە وڵاتانی یەكێتی ئەوروپا بەبێ لایەنی روسی ئاستەم دەبێت، ئەمەش لە وتارێكیدا هات لە رۆژنامەی (Frankfuter Rundschau).  

بەگوێرەی قسەی ناوبراو، لەسەر ناتۆ پێویستە واز لە سیستەمی بەرگری رۆكێتی ئەمەریكی بهێنێت ئەگەر بێت و لایەنی روسی لەسەر چەك داماڵێن رەزامەند بێت، بۆیە ئاسایش لە ئەوروپا تەنها لەگەڵ روسیادا بەدیدێت. ئەوەشی وتوە: سەرزەنشت كردنی لایەنی روسی بە تەنها، هاوكار نابێت بۆ گۆڕینی دۆخەكە.

لە مانگی یۆنیۆی رابردوودا، بەرهەڵستكارانی گرتەی ئاراستەكان لە ئەمەریكا گفتوگۆی فەرماندەی زەمینی لەگەل فرۆكەوانی بی 52 ئەنجامدا، و تیایدا باس لە حاڵەتی لە ناكاو كرا. پاشان لە شەوی 27ی یۆنیۆ ئەوە روون كرایەوە هێزە چەكدارەكانی ئەمەریكا راهێناینان لەسەر دەست پێكردنی جەنگی ئەتۆمی كردوە، ئەمەش بەگوێرەی ئاژانسی هەواڵی نیشتمانی (ئێن سی ئێن).

سەرچاوە: RT.Arabic
وەرگێڕان: حلمی رەسول رەزا






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved