هاندەرانی ریاڵ مەدرید مباپی-یان دەوێت

وەرزش

21/03/2019‌ 600 جار خوێندراوه‌ته‌وه

شارپرێس:
هاندەرانی یانەی ریاڵ مەدریدی ئیسپانی، دەیانەوێت یانەكەیان كیلیان مباپی فەرەنسی‌و یاریزانی یانەی پاریس سان جێرمان بكرێت.

رۆژنامەی ماركا راپرسییەكی ئەنجامدراوەو تێدا پرسیاری ئەوەی كردووە، كە دەیانەوێت مباپی لەیانەی ریاڵ مەدرید یاری بكات.

لەراپرسییەكەدا دوو سەد هەزار كەس بەشدارییان كردووەو 79% دەنگیان بەوە داوە، كە یانەكەیان لەهاوینی داهاتوو ئەو یاریزانە فەرەنسییە بكرێت.

لەبەرانبەر ئەودا 8%ی هاندەران ریاڵ مەدرید دەنگیان بەوە داوە یانەكەیان هاری كینی ئینگلیزی‌و یاریزانی یانەی تۆتنهامی ئینگلیزی بكرێت.

هەروەها تەنیا سێ‌ لەسەداش دەنگیان بەوە داوە، كە یانەكەیان نیمار داسیلڤای بەرازیلی‌و یاریزانی یانەی پاریس سان جێرمان بكرێت.

هـ ـ ح