چیرۆكی ئەو شەرەڤانە ئەمریكییەی واشنتۆن رێگەی پێنادات بگەڕێتەوە

sharpress.net

3301 جار خوێندراوه‌ته‌وه

21/03/2019‌

شارپرێس:
ئەكتەری هۆلیوودی ئەمریكی "مایكڵ ئینرایت"، كە شارەكەی خۆی لۆس ئەنجلۆسی ئەمریكای بەجێهێشتووە، ئاشكرایكردووە، رێگری لەگەڕانەوە بۆ بەریتانیا، یان ئەمەریكای كراوە، چونكە ترسی هەیە تۆمەتبار بكرێت لەبەشداربوون لەشەڕو تۆمەتەكانی پەیوەست بە تیرۆر بەوەی بەشداری شەڕی كردووە لەدەرەوەی سنووری وڵاتەكەی.

ناوبراو لە ساڵی 2015 دا پەیوەندی كردوە بە یەكینەكانی پاراستنی گەل بۆ شەڕكردن دژی رێكخراوی داعش، پاش ئەوەی بەدرێژایی تەمەنی وەك ئەكتەر لە ئەمەریكا كاری كردووە.

چی روویدا؟
پاش ئەوەی شەڕ لەسوریا دەستیپێكردو رێكخراوی داعش توانی رووبەرێكی فراوان لەسوریا و عێراق داگیربكات، ژمارەیەكی زۆر كەسی بیانی پەیوەندییان كرد بە ریزەكانی یەكینەكانی پاراستنی گەل، لە نێویاندا مایكڵ ئینرایت كە لە زۆر بەرنامەی تەلەفزیۆنی و فیلمی سینەماییدا دەركەوتبوو، لەوانە رۆڵی یاریدەدەری پاڵەوان لە فیلمی –چەتەكانی كاریبی- لەگەڵ جونی دیب.

ناوبراو لە چاوپێكەوتنە رۆژنامەوانیەكانی پێشوویدا دەڵێت: بڕیاریداوە دژایەتی رێكخراوی داعش بكات وەك تۆڵە كردنەوەیەك بۆ ئەو هێرشە تیرۆریستیانەی كراوەتە سەر شوێنی لە دایك بوونی لە شاری مانجستەری بەریتانی؛ ئەو هێرشەی كرایە سەر هۆڵی ئەرینا لە ماجستەر لەكاتی بەجێهێشتنی خوێندكارەكان و كەس و كاریان لە ئاهەنگێكی گۆرانی وتنی گۆرانبیبێژی ئەمەریكی ئەرینا گراندی لە ئایاری 2017، و زۆربەی قوربانیەكان منداڵ بوون.

مایكڵ ئینرایت كێیە؟
مایكل ئینرایتی 55 ساڵ كە لە شارۆچكەی –موس ساید- ی مانجستەر لە بەریتانیا لە دایك بوە، لە تەمەنی 19 ساڵیدا كۆچی كرجوە بۆ شاری لۆس ئەنجلۆسی ئەمەریكی بۆ درێژەدان بە كاری هونەری وەك ئەكتەرێك.

ناوبراو ئێستا لە ئەمەریكای ناوەڕاست دەژی، هاوڕێكانی هەڵمەتێكیان لە رێگەی تۆڕەكۆمەلایەتیەكانەوە دەست پێكردوە بەناوی (مایكل بگەڕێننەوە بۆ شوێنی خۆی) بۆ هاوكاری كردنی ئەوەی جارێكی تر بگەڕێتەوە بۆ ئەمەریكا، لەپاش ئەوەی دوو جار رێگری لێكراوە.

مایكل  دەڵێت : ناتوانێ بگەرێتەوە بۆ بەریتانیا، چونكە ترسی ئەوەی هەیە لیكۆڵینەوەی لەگەڵدا بكرێت بەهۆی ئەوەی بەشداری شەڕی كردوە لە دەرەوەی سنوری ولاتەكەی. سەرەرای ئەوەی ویستویەتی بچێتەوە بۆ ئەمەریكا لە رێگەی مەكسیكەوە، بەلام بۆ ماوەی شەش هەفتە ڕاگیراوەو لیكۆڵینەوەی لەگەلدا كراوە لەلایەن دەسەڵاتدارانی ئەمەریكاوە.

سیخورو لیكۆڵەر
ئینرایت لەلایەن پیاوانی ئاسایشی ئەمەریكاوە براوە بۆ ئەو وڵاتە، و داوای ئەوەی لێكراوە زانیاری لە بەرژەوەندی ئەمەریكا كۆبكاتەوە لەسەر كەسێكی خراپ، بۆ ئەوەی رێگەی پێ بدرێت جارێكی تر بگەڕێتەوە بۆ ئەمەریكا.

ئینرایت بۆ دووەم جار گەشتی كردوە بۆ سوریا لە ساڵی 2016، بۆ ئەوەی زانیاری هەواڵگیری كۆبكاتەوە و پێشكەشی بەرپرسە ئەمەریكیەكانی بكات، پاشان بەشداری كردوە لە لێكۆڵینەوە لەگەل زیندانیەكانی داعشدا، و زانیاری لەسەر داون، لە نێوانیاندا ژمارەیەك لە داعشەكانی خەڵكی ئوسترالیا و ئەمەریكا و كەنەدا. 

بەڵام لە كاتی گەڕانەوەیدا بۆ ئەمەریكا لە ساڵی 2017، رێگەی پێنەدراوە بچێتە نێو ئەو ولاتە لەگەل ئەوەی زانیاری داواكراوی لەسەر ئەندامەكانی داعش ناردوە بۆ واشنتۆن.

لە هەمان كاتدا فیلمێكی كورتی لەسەر یەكینەكانی پاراستنی گەل وێنە گرتوە لەسەر داوای كۆمپانیای بەرهەم هێنانی سینەمایی لە ماوەی جەنگی رەقەدا.

سەرەرای ئەوەی چەند دیمەنێكی تری لە گۆرەپانی شەڕ وێنە گرتوە، هەندێكیان لەگەڵ قەناس بە دەستە كوردەكاندایە، و لە چاوپێكەوتنێكی تۆماركراودا دەڵێت : دەمەوێ تۆڵەی ئەو كچە یەزیدیانە بكەمەوە كە داعش بە دیل گرتنی و كردنیە كەنیزە.

ناوبراو رۆڵی جۆاوجۆری بینیوە لە ژمارەیەك فیلم و زنجیرەی تەلەفزیۆنی ئەمەریكی لەوانە: چەتەكانی كاریبی، سەگە پیرەكان، سیخورەكانی شیلد، بەلام هەموو ئەمانە لە ساڵی 2015 دا وەستان، كاتێ گەشتی كرد بۆ سوریا تاكو دژایەتی رێكخراوی داعش بكات.

ئینرایت دەڵێ: لەگەل ئەوەی هێزەكانی سوریای دیموكرات، كە یەكینەكانی پاراستنی گەل بەشێكی سەرەكیە تیایدا و لەلایەن ئەمەریكا و بەریتانیاوە پاڵپشتییان لێ دەكرێت، بەلام كێشەی ئەوانەی لە سوریا دەگەڕێنەوە، بەبێ ئەوەی ئەو لایەنەی شەڕیان لە گەل كردوە ئەژمار بكرێت، بۆتە كێشەیەكی سیاسی ئالۆز.

لەم بارەیەوە وتی : یاسای بەریتانیا حوكمی جیاوازی هەیە لە مامەڵەكرنیدا لەگەل كێشە جیاوازەكان و بە رێگەی جیاواز، شەر كردن لە جەنگ بیانیدا تاوان نیە، بەلام ئەمە پشت بە سروشتی كێشە و ململانێكە و چالاكی تاكەكە دەبەستێت، دیارە بەریتانیا لەگەل هەموو كێشەیەكدا بە دیاریكراوی مامەڵە دەكات، پاشان لەلایەن داواكاری گشتیەوە لیكۆڵینەوەیان لەگەل دەكرێت بۆ ئەوەی دلنیابن لەو كەسانەی دەگەڕێنەوە ئەو وڵاتە هەڕەشە نەبن بۆ سەرە ئاسایشی نەتەوەیی بەریتانیا.

لەگەل ئەوەی بەریتانیا و ئەمەریكا پالپشتی هێزەكانی سوریای دیموكرات دەكەن، بەلام چەندین تۆمەت دراوەتە پاڵیان لەلایەن توركیاوە، بەوەی درێژكراوەی پارتی كرێكارانی كوردستانن، كە توركیا و ئەمەریكا و بەریتانیا وەك حزبێكی تیرۆریستی پۆلێنی كردون، لەسەر ئەم بنەمایە، كێشەكەی من ئاراستەیەكی نا روون وەردەگرێت.

سەرچاوە: BBC
وەرگێڕان: حلمی رەسول رەزا





ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved