شارپرێس:
فەرمانداریی گشتی هێزەکانی سوریای دیموکراتی-هەسەدە لە مەراسیمێکی سەربازییدا، کە بەرپرسانی چەندین دامودەزگا ئامادە بوون، سەرکەوتنی خۆیان بەسەر داعشدا بۆ ڕای گشتی جیهان ئاشکرا کرد.
ئەمڕۆ شەممە فەرمانداری گشتی هێزەکانی سوریای دیموکرات- هەسەدە لە دواهەمین پێگەی داعش لە باغۆز مەراسیمێکی سەربازیی ئەنجامدا و سەرکەتنی یەکجاریی ڕاگەیاند.
لە مەراسیمەکەدا فەرماندەکانی گەسەدە و بەرپرسانی دەزگاکانی باکور و ڕۆژهەڵاتی سوریا و بەرپرسانی وەزارەتی دەرەوەی ئەمریکا ئامادە بوون.
مەزڵوم عەبدی، فەرمانداری گشتی هەسەدە، لەگەڵ فەرماندەکانی دیکەی هەسەدە، کە لە هەنگاوی گەردەلولی جزیرە بەشداربوون، لێدوانیان دا.
مەزڵوم عەبدی، ڕایگەیاند "ئەوان چەکدارنی داعشیان لەناوبرد و داگیرکارییەکانی داعشیان لە دوایین پێگەی خۆیان لە باغۆز کۆتایی پێهێنا و کۆبانێ سەرەتای لەناوبردنی داعش بوو، ئێستاش دوای پێنج ساڵ، ئێمە لەناوچوونی مەیدانیی داعش ڕادەگەیەنین".
فەرمانداری گشتی هەسەدە ئاماژەی بەوەدا "ئەوان ٥٢ کیلۆمەتر چوارگۆشەیان لە خاکی سوریا ڕزگارکردووە و لە ئەنجامی ئەو شەڕەدا ١١ هەزار شەڕڤانی ئێمە شەهید بوونە و ٢١ هەزاریش بریندار بوون".
هـ ـ ب
