شارپرێس:
بانكی رافیدەین رایگەیاند، ئامادەیە ١٠٠ ملیۆن دینار قەرز بدات بەئەو هاووڵاتی و فەرمانبەرانەی عێراق دەیانەوێت یەكەكانی نیشتەجێبوون لەپرۆژەكانی وەبەرهێنان لەبەغدا بكڕن .
خەولە تالیب جەببار بەڕێوەبەری گشتی بانكەكە لە بەیاننامەیەكدا راشیگەیاندووە، كە ئەمساڵ بانكی رافیدەین دەیەوێت پشتیوانی پرۆژەكانی وەبەرهێنان بۆ بواری نیشتەجێبوون بكات ، كە ئێستا ١٣ پرۆژە لە نەجەف و واست و دیالا و سەڵاحەددین و كەربەلا و بابل هەیە ، ئەوە جگە لە چەند پرۆژەیەك لە ناوچەكانی كازمییە و دۆرە و عامرییە و گەرەكی عەدل لە بەغدا .
جەبار ئەوەشی راگەیاندووە، بانكەكەمان ئامادەیە بڕە پارەیە بەهەموو ئەو كەسانە بدات، كە خواستی كڕینی یەكەی نیشتەجێبوونیان هەیە لەو پرۆژانەی وەبەرهێنان .
بانكەكە تائێستا رێنمایی چۆنییەتی بڕە قەرزەكەی رووننەكردووەتەوەو بڕیارە لەچەند رۆژی داهاتووش لەو بارەوە روونكردنەوە بدات.
وەرگێڕان: ئاكۆ عەبدوڵڵا ئاڵی