ئافره‌تان له‌ساڵێكدا 17 جار بیر له‌ وازهێنان له‌ئیشه‌كانیان دەکەنەوە

جیهان

28/03/2019‌ 906 جار خوێندراوه‌ته‌وه

شارپرێس:
توێژینه‌وه‌یه‌ك ئاشكرایده‌كات "ئافره‌تان ساڵانه‌ 17 جار بیر له‌وازهێنان له‌پیشه‌كانیان ده‌كه‌نه‌وه‌، ئه‌ویش به‌هۆی كۆمه‌ڵێك دۆخ كه‌ بۆیان دێته‌ پێشه‌وه‌".

به‌گوێره‌ی توێژینه‌وه‌یه‌ك كه‌ ماڵپه‌ڕی گود هاوس كیپین بڵاویكردوه‌ته‌وه‌ "به‌هۆی ڕازینه‌بوون له‌كاره‌كانیان، یاخود فشاری كاری ماڵه‌وه‌، وا له‌ئافره‌تان ده‌كات له‌ساڵێكدا 17 جار بیر له‌وه‌ بكه‌نه‌وه‌ ده‌ستبه‌رداری كاره‌كانیان ببن، یاخود كاره‌كانیان بگۆڕن".

هه‌ر له‌و توێژینه‌وه‌یه‌دا باس له‌وه‌كراوه‌ "ئه‌و ماوه‌یه‌ی ئافره‌تان له‌ماڵه‌وه‌ بۆسه‌ر كار‌و به‌پێچه‌وانه‌وه‌ ده‌یبڕن، نزیكه‌ی 130 هه‌زار كیلۆمه‌تره‌، كه‌ ئه‌وه‌ش به‌مانای سوڕانه‌وه‌ به‌به‌شێكی ڕووی زه‌ویدا".

هـ ـ ب