جەمشید مەشایخی گەورە ئەكتەری ئێران كۆچی دوایی كرد

sharpress.net

409 جار خوێندراوه‌ته‌وه

03/04/2019‌

شارپرێس:
جەمشید مەشایخی هونەرمەندی بەئەزموونی سینەماو شانۆ و زنجیرە تەلەفزیۆنییەكانی وڵاتی ئێران لە تەمەنی 85ساڵیدا بەهۆی وەستانی دڵەوە كۆچی دواییكرد.

جەمشید مەشایخی لەساڵی 1934ی زایینی لەتارانی پایتەخت لەدایكبووە و خوێندنی لەبەشی شانۆدا تەواو كردووە و هەر لەو بەشەشدا - ڕەمزو نیشانەی پلە1ی (كەلتوور و هونەری)وڵاتی ئێرانی بەدەستهێناوە.

مەشایخی لەساڵی 1957 لە بەشی "هونەرە دراماتیكیەكان"دا دامەزراوە وبەشێوەیەكی نافەرمی وەك ئەكتەر كارەكانی خۆی لە پڕۆگرامی نمایشی كەناڵی سێی ناحكوومیی و بەڕوڵبینینی لەكورتە فلیمی(كاژی مار)دا  دەستپێكرد و بۆ یەكەمجار چوویە بەردەم كامێراوە.

ئەو وەك ئەكتەر یەكەم ڕۆڵی سەرەكی لەفلیمی (ئەركی پزیشك) دا دەستپێكرد و لە ساڵی1965 بە فلیمی (خشت وئاوێنە) هاتووەتە نێو دونیای فلیمە سینەمایەكانەوە، كە بەوتنێكیش ئەو بەفەرمی و پیشەییانە كارەكانی لە بواری سینەمادا لەساڵی 1970دا دەستپێكردووە.

نازناو و خەڵاتە وەرگیراوەكانی ئەم ئەكتەرە
ساڵی1984 براوەی خەڵاتی (سیمۆرغی بلورین) بەهۆی بەشداریكردنی لە دوو فلیمی "گوڵە داودییەكان و كەمالولمولك بووە. كە خەڵاتەكە تایبەت بوو بەباشترین ئەكتەری پیاو لەم دوو فلیمەدا.

ئەو هەروەها لەساڵی2015 وەك باڵیۆزی تەندروستی چاو وبینایی و لە ساڵی2016ەش وەك باڵیۆزی تەندروستی لەلایەن وەزارەتی تەندروستی و زانكۆی زانستە پزیشكییەكانی تارانەوە ناسێنرا و پەیكەری ڕێزلێنانی تایبەتی ئەم ناوەندانەی پێبەخشرا.

مەشایخی ئەو  فلیمانەی بەشداری تیادا كردوون بریتین لە:
"دڵ سووتاوان، ماڵی جاڵجۆڵەكە، كەمالولمولك، گوڵە داودییەكان، كەلاوە، باپیرە، قوڕقوشم، تەلێسم، ڕۆژی ڕووداوەكە، ماڵێك لەسەر ئاو، ماچێكی چكۆلانە، تاوان، سیانزەی59، و...هتد."

هەروەها ئەو زنجیرە تەلەفزیۆنیانەشی بەشداری تیادا كردوون بریتین لە:-

" هەزاران چیرۆك، چیرۆكەكانی مەولەوی، سوڵتان ساحیبقەران، پاڵەوانان نامرن، ئیمام عەلی، ستایش و....هتد"

جەمشید مەشایخی لەبواری شانۆشدا دەستێكی باڵای هەبووە و گرنگترین شانۆنامە كە تیایدا بەشداری كردووە و لەبیرەوەری هاوڵاتیانی ئێراندا ماوەتەوە- شانۆی(ئاغا گەورە) بووە، كە ئەم شانۆیە دەرهێنەری بەناوبانگی ئێران "بەهرامی بەیزایی - لەساڵی1967دا ئەوی پێشكەش بە بینەران كردووە.

وەرگێڕان: یاسین نادر







ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved