ناسا وادەی ناردنی مرۆڤی بۆ سەر مەریخ ئاشكرا دەكات

sharpress.net

708 جار خوێندراوه‌ته‌وه

04/04/2019‌

شارپرێس:
دوای ئەوەی ئاژانسی ئاسمانی ئەمەریكی ' ناسا" رایگەیاند، نیازی وایە ساڵی 2024 جارێكی تر كەشتیوانی ئاسمانی بنیرێتەوە بۆسەر مانگ ، هاوكات ئەوەشی ئاشكرا كردووە كە بەرنامە دادەنێت لەساڵی ٢٠٣٣ مرۆڤ بنێرێتە سەر  مەریخ .

جیم برایدنستاین بەڕێوەبەری ناسا رایگەیاند، بۆ گەیشتن بەو ئامانجە دەبێت بەخێرایی دەست بە كار بكەین .

برایدنستاین لەكاتی دانیشتنی گوێگرتنی كۆنگریسی ئەمەریكا راشیگەیاند "دەمانەوێت ساڵی ٢٠٣٣ خەونی نیشتنەوەی مرۆڤ لەسەر مەریخ بكەین بەراستی ، بۆ ئەوەش دەبێت لەڕێگای پرۆسەی نیشتنەوە لەسەر مانگ ،خۆمان بۆ نیشتنەوە لەسەر مەریخ ئامادە بكەین ".

بەڵام بەشێك لە شارەزایان گومانیان هەیە لەوەی ناسا بتوانێت لەو ماوەیەی دیاری كردووە بتوانێت ئەركەكەی بۆ نیشتنەوە لەسەر مەریخ بەجێبگەیەنێت ، بەتایبەت بەهۆی ئەوەی درووستكردنی مووشەكی قورسی نوێی " SLS" كە كۆمپانیای بۆینگ بۆ ئەو ئەركە درووستی دەكات زۆر دواكەوتووە .

بەهۆی دووری مەوداكەیەوە هەر پرۆسەیەكی چوونە سەر مەریخ دوو ساڵی پێویستە ، تەنیا بۆ گەیشتنە سەر مەریخ شەس مانگ دەخایەنێت ، ئەوە لەكاتێكدا چوونە سەر مانگ تەنیا سێ رۆژی پێویستە .

لەلایەكی ترەوە نابێت هیچ گەشتێكی چوون و هاتنەوە  بۆسەر مەریخ بكرێت تەنیا مەگەر هەسارەی مەریخ  وەك زەوی كەوتبیتە هەمان شوێن لەئاستی رۆژدا ، ئەوەش شتێكە هەر ٢٦ مانگ جارێك روودەدات ، ئەو بەروارانەش دەكەونە ٢٠٣١ و ٢٠٣٣و  بەوشێوەیە.

وەرگێران : ئاكۆ عەبدوڵڵا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved