قەڵەوی و خواردنی زۆر ئاستی زانست كەمدەكاتەوە

sharpress.net

910 جار خوێندراوه‌ته‌وه

04/04/2019‌

شارپرێس:
لێكۆڵینەوە نوێیەكان دەریان خستووە پەیوەندیەكی بەهێز لەنێوان قەڵەوی و رێژەی زانین و زانستدا هەیە، بەو پێیەی زیاتر سەرقاڵی خواردن و خواردنەوەو خۆشییەكانی ژیانن.


بەپێی ئەو لێكۆڵینەوانە دەركەوتووە هەموو ئەو وڵاتانەی كە خەڵكەكەی بە خواردن و خواردنەوە خەریكن و قەڵەون ئاستی زانستیان كەمترەو لەبوارەكانی پەروەردەو خوێندنیشدا لەدواوەن.


ریزبەندییەكە بەو جۆرە رێكخراوە كە كوەیت لەپێشەوەی وڵاتانی جیهانەوەن لە قەڵەویدا بەو پێیەی زیاتر خەریكی خواردن و خوراندنەوەن، بەجۆرێك رێژەی نەشتەرگەری قەڵەوی لەو وڵاتەدا لە ئاستێكی زۆر بەرزدایە.

سعودیە لەدوای كوەیتەوە دووەم وڵاتە كە زۆرترین رێژەی قەڵەوی تێدایە بەتایبەت لەناو توێژی ژناندا، بەو هۆیەشەوە نەشتەرگەری قەڵەوی نزیكبووەتەوە لە 65% و لەبواری پەروەردەو زانكۆكانیشدا زۆر لەدواوەیە.

بیلیز پلەی سێیەمی ئەو وڵاتانەی گرتووە كە زۆرترین رێژەی قەڵەویان هەیەو بەجۆرێك لە 33%ی دانیشتوانی ئەو وڵاتە قەڵەون، بە هەمان شێوە لەبواری خوێندن و پەروەردەدا لە ئاستێكی نزمدایە.


هەروەها میسر یەكێكی ترە لەو وڵاتانەی كە رێژەی قەڵەوی تیایدا لە 35% ی دانیشتوانەو لە بوارەكانی پەروەردەو زانستدا لەدواوەیە.

بە هەمان شێوە ئوردن لەریزبەندی پێشەوەی وڵاتانی قەڵەودایەو ئاستی رێژەكەی لە 34%و توێژی ژنان زیاتر قەڵەون وەك لەپیاوان لەو وڵاتەدا، پەروەردەو زانستی خوێندنیان لە نزمترین ئاستی خۆیدایە.
س.هـ







ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved