شەڕێكی جیاواز.. لەسەر خاوەندارییەتی بنەچەی خواردنە رۆژهەڵاتییەكان

sharpress.net

549 جار خوێندراوه‌ته‌وه

06/04/2019‌

شارپرێس:
خواردنە رۆژهەڵاتییەكان سەرەڕای ئەوەی سوودێكی خۆراكی زۆریان هەیە، لەلایەكی ترەوە بەبەتامترین خواردنەكانی جیهانیش دادەنرێن ، بەڵام بنەچەی ئەو خواردنانە مشتومڕیكی زۆری لەنێو میللەتانی ناوچەكە درووستكردووە، كە ئاخۆ كامیان خاوەنی راستەقینەی ئەو خواردنانەن، دوا خواردنیش ئەو مشتومرەی درووستكرد پیرخەنی (پیرخەنیلە) بوو .

پیرخەنیلە و وڵاتانی مەغریبی عەرەبی
لەكۆنەوە مشتومڕێكی زۆر لەنێوان هەردوو وڵاتی مەغریب و جەزائیر  هەیە كە ئاخۆ كامیان خاوەنی راستەقینەی پیرخەنیلەن ، جەزائیر دەیەوێت ئەو خواردنە لەچوارچێوەی كەلەپووری رۆشنبیری خۆیدا تۆمار بكات ، كەچی مەغریبیش هەمان قسە دەكات و  پێیوایە ئەوە خواردنێكی رەسەنی مەغریبییە ، بۆ یەكلاییكردنەوەی ئەم بابەتەش هەندێ لایەن داوا دەكەن پیرخەنیلە وەك خواردنی هەموو میللەتانی مەغرینی عەرەبی بناسرێت .

عزەددین میهیوبی وەزیری ڕۆشنبیری جەزائیری باسی لەوە كردووە كە وڵاتەكەی دۆسیەیەك تۆمار دەكات كە تێیدا داوا دەكات پیرخەنیلە وەكو  رەگەزێكی كەلەپووری جیهانیی  بەناوی وڵاتانی مەغریبی عەرەبییەوە  تۆمار بكرێت .
 
ئاژانسی هەواڵی جەزائیر بڵاویكردەوە، وەزیری رۆشنبیری جەزائیر رایگەیاندووە یونسكۆ هانی وڵاتان دەدات لە دۆسییە هاوبەشە سنووربرەكاندا هاوكاریی و هەماهەنگیی لەگەڵ یەكتر بكەن ، هەر بۆیە ئێمەش لەسەر ئەو بنەمایە لەهەنگاوێكدا دەستپێشخەریمان كردووە و داوامان كردووە كە پیرخەنی وەك یەكێك لە تایبەتمەندییەكانی چێشتخانەی گەلێری وڵاتانی مەغریبی عەرەبی بەناو بكرێت .

مشتومرەكان لەسەر خاوەندارێتی نۆكاو لەرۆژهەڵاتی ناوەراست
بەگوێرەی پێگەی "ئار تی " رووسی، سەرەتای مشتومری خاوەندارییەتی ئەو خواردنە دەگەڕێتەوە بۆ ساڵی ٢٠٠٨ ، كاتێك لوبنان ئیسترائیلی تۆمەتبار كرد بەوەی ئەو خواردنە میللیە لوبنانییەی دزیوە و وەك خواردنێكی ئیسرائیلی لەجیهاندا دەیفرۆشێت و بانگەشەی بۆ دەكات.

تەنانەت شەڕی خاوەدارییەتی خواردەمەنی نۆكاو گەیشتە یەكێتی ئەوروپا ، بەجۆرێك حكوومەتی لوبنانی داوای لە برۆكسل كرد كە نۆكاو وەك خواردنێكی میلللی لوبنانی بناسێت و بە كەلەپور و میراتێكی رووتی لوبنانی هەژمار بكات.

پێگەی كەناڵی "بی بی سی " بە زمانی رووسی بڵاویكردەوە، هەر یەك لە سورییەكان و یۆنانییەكان و توركەكان دەڵێن ئێمە یەكەمجار نۆكمان ناسیوە و چاندوومانە و بەرهەممان هێناوە و بە خەڵكمان ناساندووە.

بی بی سی ئەوەشی بڵاویكردەوە، چەندین سەدەیە بەبێ جیاوازی  نۆكاو لای چێشتخانەی هەر یەك لە سوریەكان و یۆنانیی و تووركەكان ناسراوە ، زیاتر لە ١٠ هەزار  ساڵ دەبێت نۆك لە وڵاتی توركیا دەچێنرێت .

ئەنیسە ئەلحلو تویژەری بواری چێشتخانەی سەدەكانی ناوەند دەڵێت نۆك لە كۆترین ئەو پاقلەمەنیانەیە كە مرۆڤ چاندوویەتی ، ئەو توێژەرە ئاماژەی بۆ ئەوەش كردووە كە لە دەستنووسە عەرەبییەكانی سەدەی هەشتی زاینی باس لە هەویری نۆك كراوە ، بەڵام تاراددەیەك ئەوە ئاسان نییە بزانرێت چی میللەتیك دەستپێشخەر بووە لە تێكەڵكردنی نۆك و هەویرەكە .

فەلافل لەكویوە هاتووە ؟
فەلافل ، كە هەندێ جار بە  "كەبابی هەژاران" بەناوبانگە ، لەسەر ڕەگ و ریشەی ئەو خواردنە و خاوەندارێتییەكەی  بابەتێكی گەرمی مشتومڕی نیوان میسری و سوریایی و لوبنانی و فەلەستینییەكانە ، هەموویان بانگەشەی ئەوە دەكەن كە ئەو خواردنە میللییە رەسەنە هی ئەوانە .

بەپێی پیگەی "ئەلتەریقە" فەلافل تەنیا هەر لە میسر و سوریا و لوبنان و فەلەستین نەناسراوە ، بەڵكو لە یۆنان و سعوودییە و سودانیش هەر وایە ، لە وڵاتی یەمەن پێیدەڵێن " باجییە" .

فەلافل لە وڵاتی میسر پێكهاتووە لە پاقلەی كوتراو و كەرەوزی تازە و بەهارات ، بەڵام لە وڵاتی شام لەجیاتی پاقلە نۆكی كوڵاو یان هاڕڕاوی تێدەكرێت .

بابەتەكە پێویستی بەوەیە میژووزانەكان ئەوە یەكلایی بكەنەوە كە خواردنەكە سەرەتا لەكوێوە هاتووە ، هەندێ گێرانەوە باس لەوە دەكەن كە میسرییەكان خاوەنی راسقەقینەی ئەو خواردنەن ، بەڵام سورییەكان بەوە رازی نین و دەڵێن فەلافل بابەلباب خواردنێكی شامییە ، لەولاشەوە فەلەستینییەكان دەڵێن هیچ جێی گومان نییە كە فەلافل خواردنێكی رەسەنی فەلەستینییە .

وەرگێران : ئاكۆ عەبدوڵڵا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved