شازادە هاری ئالودەبوون بەتۆڕە كۆمەڵایەتییەكان بەمەترسی دەزانێت

sharpress.net

428 جار خوێندراوه‌ته‌وه

06/04/2019‌

شارپرێس
شازادە هاری هۆشداری ئەوەی دا كە ئالودەبوون بە تۆڕە كۆمەلایەتیەكان مەترسیدارترە لە خواردنەوەی كحول و ماددە هۆشبەرەكان، ئەمەش لە میانی گفتوگۆیەكدا بوو دەربارەی تەندروستی عەقڵیەتی گەنجان.

لە سەردانیكردنیدا بۆ بارەگای رێكخراوی (یانج مین كریستیان) ی قازانج نەویست لە رۆژئاوای لەندەن، چاوی كەوت بە نوێنەرانی رێكخراوە خێرخوازەكانی تایبەت بە تەندروستی عەقڵیەتی گەنجان.

رۆژنامەی دەیلی مەیل ی بەریتانی لە زاری ئەمیر هاریەوە گواستویەتیەوە ، كە تۆڕە كۆمەڵایەتیەكان لە ماددە هۆشبەرو كحولیەكان مەترسیدارترن، چونكە هیچ رێساو رێكخستنێكی بۆ دیارینەكراوە. بەڵام ئێمە لە قۆناغێكی باشداین بەوەی ئەوانەی لێرەین هەلی لەبەردەستدایە بۆ هێنانەدی گۆڕانكاریەكی راستەقینە بۆ ئەوەی گەنجان كەمتر بە مۆبایلەكانیانەوە پەیوەست بن.

ئەوەشی روون كردۆتەوە، چۆن ئەیانەوێت دەتوانن پەیوەست بن مۆبایلەكانیانەوە، بەڵام دەبێ پەیوەندی مرۆییش نەپچڕێنن، چونكە ئەگەر ئەمە نەبێت كەسێكی تری نابێت قسەی لەگەڵدا بكات لەكاتی رووبەرووبونەوەی كێشەیەكی دیاریكراودا، تەنها شوێن پەنای بۆ دەبات ئینتەرنێتە؛ لەوێش رەنگە توشی خراپ مامەڵە كردن و ئازاردان ببێتەوە. پاشان وتی : هەریەكە لە ئێمە تەندروستی عەقڵی خۆی هەیە، هەندێ تەندروستی عەقڵی باشەو هەندێكیش خراپ، ئەگەر بێت و بەدەست خراپی تەندروستی عەقڵیەوە بناڵێنی، ئەوا كاریگەری دەكاتە سەر هەموو ئەوانەی لەدەوربەرتن.

هاری ئاماژەی بۆ ئەوە كرد پێویستە فۆكەس بخرێتە ئەو چیرۆكە سەركەوتوانەی كە گەنجان تیایدا توانیویانە بەسەر كێشە عەقڵیەكانیدا زاڵ بن، ئەوەشی روون كردەوە چاوی بە چەندین گەنج كەوتوە كە توانیویانە بەسەر كێشەكانیاندا سەركەوت و ئێستا ژیانێكی ئاسایی بەسەر دەبەن.

جێگای ئاماژەیە كردنەوەی هەژماری ‌وەمیر هاری و هاوژینەكەی لەسەر ماڵپەڕی ئەنیستاگرام  بە پۆست كردنی چەند وێنەیەك لە رۆژی سێ شەممەدا، یەك ملیۆن كەس سەردانیان كردوە بە ماوەیەكی كەم لە كردنەوەی هەژمارەكە، تاكو رۆژی چوارشەممە ژمارەی ئەوانەی سەردانی هەژمارەكەیان كردوە گەیشتۆتە سێ ملیۆن كەس.

سەرچاوە: الجزیرە. نت
وەرگێڕان: حیلمی رەسوڵ رەزا






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved