شارپرێس:
زانایانی زانكۆی كالیفۆرنیا بۆیان دەركەوت برسێتی مامناوەند كاریگەری لەسەر جەستە هەیە و دەبێتە هۆی باشبوونی تەندروستی و كەمبوونەوەی مەترسی تووشبوون بەو نەخۆشیانەی پەیوەندی بە پیربوونی جەستەوە هەیە.
ئەو زانایانە لەبابەتێكدا كە لەگۆڤاری Cell Reports بڵاوكراوەتەوە ئاماژەیان بەوەكردووە برسێتی كاریگەری لەسەر كاتژمێری ناوخۆیی جەستە هەیە كە زۆرینەی پرۆسەكانی خۆراكی و بەرهەمهێنانی هۆرمۆنەكان رێكدەخات.
لەلێكۆڵینەوەی تاقیگەیدا دەركەوت برسێتی مام ناوەند دەبێتە هۆی كەمبوونەوەی رێژەی دووەم ئۆكسیدی كاربۆن لەهەناسەدان و هەروەها كاریگەری لەسەر كاری جینات و پرۆتینە بنەڕەتیەكان هەیە.
پرۆفیسۆر پاولو ساسونی لەسەر ئەو بابەتە باسی لەوە كردوە، برسێتی كاردەكات بۆ دووبارە رێكخستنەوەی زنجیرەیەك چالاكی خانەیی و ئەوەش كاریگەری ئەرێنی لەسەر تەندروستی هەیە و دەبێتە هۆی ڕاگرتنی بەرەوپێشچوونی نەخۆشیەكان و پیربوون.
س.هـ