میگان ماركڵ جارێكی تر دابونەریتە شاهانەییەكان پێشێل دەكاتەوە

sharpress.net

738 جار خوێندراوه‌ته‌وه

08/04/2019‌

شارپرێس:
میگان ماركڵی هاوسەری شازادە هاری بەریتانیا، رەتیكردەوە لەكاتی لەدایكبوونی منداڵەكەیدا پزیشكە شاهانەییەكان ئامادەبن، كە بەناوبانگرتین پزیشكانی جیهانن ، بەوەش یەكێك لەدابونەریتە شاهانەییەكانی پێشێل كردووە، كە بۆ چەندین ساڵە هەیە .

بەگوێرەی رۆژنامەی " دەیلی مەیڵ"ی بەریتانی هەر یەك لە ئالان فارسینگ و گای سورب- بیستون  كە دكتۆری پسپۆڕی منداڵ بوونی زۆر مەترسیدارن ، لەكاتی لەدایك بوونی هەرسێ منداڵەكەی ئەمیر ویلیام و كیت میدلتۆن ئامادە بوون .

بەڵام میگان ماركڵ تیمێكی پزیشكی تایبەت بەخۆی هەڵبژاردووە و وتوویەتی: نامەوێت لەلەدایكبوونی یەكەم منداڵمدا پیاو ئامادە بن .

لەگەڵ ئەوەی میگان ئەوەی رەتكردووەتەوە ، بەڵام بەپێی یاساكان ناتوانرێت بەتەواوەتی پزیشكە شاهانەییەكان بەتەواوەتی لە پرۆسەی لەدایك بوونی منداڵەكە دوور بخرێتەوە ، ئەگەر هات و هەڵەیەك ڕوویدا ئەوا ئەوان پرۆسەكە دەگرنە دەست .

باس لەوەش دەكرێت، كە میگان نایەوێت لەدایكبوونی منداڵەكەی لەبەشی لیندۆ لە نەخۆشخانەی سانت ماری بێت، كە لە رۆژئاوای شاری لەندەنە و خانەوادەی شاهانەیی بەریتانیا لەساڵی ١٩٧٧وە ئەوێیان وەك جێگای دڵخوازی خۆیان بۆ  لەدایك بوونی منداڵەكانیان هەڵبژاردووە ، بەڵكو مێگان دەیەوێت منداڵەكەی لە ماڵەكەی خۆیان لە قەڵای وندسور لەدایك ببێت .

وەرگێران : ئاكۆ عەبدوڵڵا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved