لەبەر چەند هۆكارێك هەر ١٩ ساڵ جارێك سیستەمی GPS لەكاردەكەوێت

sharpress.net

616 جار خوێندراوه‌ته‌وه

10/04/2019‌

شارپرێس: 
ئامێرەكانی بەشوێنكەوتن  GPS  رووبەڕووی دیاردەیەك دەبنەوە كەپێی دەوترێت گەرانەوە بۆ دواوە "GPS Rollover"، بەجۆرێك ناتوانێت بەشێوەیەكی راست ئەو شوێنە دیاریبكات، كە بەكارهێنەر داوای لیدەكات.

بۆ چارەسەركردنی گرفتەكە، زاناكان بەهەر ١٩ ساڵ جارێك هەڵدەستن بەڕێكخستنەوەی ئەو كاتژمێرەی مانگی دەستكرد، كە بەرپرسە لەبەشوێنكەوتنی جوگرافی.

بەگوێرەی پێگەی "ئیرەم نیوز" مانگی دەستكرد بەرۆژ ژمێر، یان بەو كاتژمێرە كار ناكات، كە مرۆڤ كاری پێدەكات ، بەڵكو رۆژ ژمێری تایبەت بەخۆی هەیە، كە پشت بەهەفتەكان دەبەستێت ، ئەو تەكنیكەی كاریشی پێدەكات پێی دەوترێت "10bit"، ئەو تەكنیكەش پێویستی بەوەیە، كە دوای تیپەڕبوونی ١٩ ساڵ واتە (١٠٢٤) هەفتە دەبێت جارێكی تر ڕێكبخرێتەوە .

مانگە دەستكردەكە لە ٦ی كانوونی دووەمی ساڵی ١٩٨٠ هەڵدراوە ، واتا یەكەم پرۆسەی دووبارە ڕێكخستنەوەی كاتژمێرەكە لە ٢١ی ئابی ساڵی ١٩٩٩ بووە ، ئەوە لەكاتێكدا دووەم ڕیكخستنەوەی كاتژمیرەكە كەوتە ٦ ی نیسانی ئەمساڵ. 

ئەم كێشەیە كاریگەری لەسەر گەلێك لە سیستەمەكانی دەریاوانی جوگرافی دەبیت ، بەتایبەت ئەوانەی لەناو سیستەمەكانی بەشوێنگەرانی جوگرافی ناو ئۆتۆمبێلە پیشكەوتووەكاندا هەن ، هەروەك هەندێ لە دامودەزگا حكوومییەكانی پەیوەست بە كاروباری وزە ئەو گرفتەیان بۆ درووست دەبێت .

زاناكان هەوڵیانداوە لەڕێگای گواستنەوە بۆ تەكنیكی "13bit" ئەو گرفتە چارەسەر بكەن ، كە ئەوەش بەهەر ١١٨ ساڵێك پێویستی بە دووبارە ڕێكخستنەوە دەبێت ، واتا دووبارە ڕیكخستنەوەی داهاتوو دەكەوێتە ساڵی ٢١٣٧ زاینی .

وەركێڕان: ئاكۆ عەبدوڵڵا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved