نهێنی خاڵە رەشەكەی گەردوون ئاشكرا دەكرێت

sharpress.net

1335 جار خوێندراوه‌ته‌وه

10/04/2019‌

شارپرێس:
بۆ یەكەمجار خاڵە رەشەكەی گەردوون كە بە كونی رەشی بۆشایی ئاسمان ناسراوە یەكەم وێنەی بڵاوكرایەوە.


میدیاكانی جیهان بەگرنگییەوە بابەتێكی زانستیان بڵاویكردەوە كە ئەویش خاڵە رەشەكەی گەردون یانە چاڵە رەشەكەی گەردوونە بۆ یەكەمجار وێنەی ئەو خاڵە رەشە بڵاویكرایەوە.


بەپێی زانیارییە زانستییەكان كە ئەمڕۆ چوار شەممە ئاشكرا كراون، پانتایەكەی 40 ملیۆنەو نزیكەی 500 ملیۆن تریلیۆن كیلۆمەتر لە زەوییەوە دوورە.

زاناكانی گەردوون ناسی بڵاویانكردەوە كە  قەبارەی ئەو خاڵە رەشە 300 ملیۆن ئەوەندەی قەبارەی زەوییەو بارستەكەی 6.5 ملیار ئەوەندەی خۆرە و یەكێكە لە قورسترین كونە ڕەشەكان لە گەردووندا.


ئەو خاڵە رەشە یان چاڵە رەشەكە ناوچەیەكە لە بۆشایی گەردووندایەو تەنانەت رووناكیش لێوە تێ ناپەڕێت و هێزێكی بێ وێنەی راكێشانی هەیە ئەوەش بەهۆی ئەو چڕی و بارستایی و قەبارەییەی كە هەیەتی.


س.هـ







ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved