ژنێكی عەرەب بەتۆمەتێكی سەیر لەهاوسەرە ئێرانییەكەی جیادەبێتەوە

sharpress.net

2935 جار خوێندراوه‌ته‌وه

11/04/2019‌

شارپرێس:
خانمێكی ئیماراتی تەنیا دوای سێ هەفتە لە هاوسەرگیری لەگەڵ پیاوێكی بەرەگەز ئێرانی، لەبەردەم دادگای باری كەسێتی ئەبوزەبی داوای كرد، كە پیاوەكەی دەستبەرداری ببێت .

بەگوێرەی رۆژنامەی "ئەلبەیان"ی ئیماراتی، ژنەكە هۆكاری داواكەی بۆ جیابوونەوەی لەهاوسەرەكەی بۆ ئەوە گەراندووەتەوە، كە هاوسەرەكەی زۆر دەستقوچاو  و  ڕەزیلە . 

ژنەكە وتوویەتی: هەموو خەرجییەكانی ماڵ و كرێی خانو و باجی ئاو و كارەبا و هەرچی خەرجییەكی تر كە لەسەر پیاوەكەیە دەبیت خۆم بیدەم ، بۆیە لەبەرانبەر ئەو داوایەیدا  ئامادەیی دەربڕیوە ئەگەر بێت و پیاوەكەی دەستی لێبەردات ئەوە ئەو ئامادەیە واز لەهەموو مافەكانی خۆی بێنیت كە لەناو گرێبەستی هاوسەرگیرییەكەی ئاماژەی پێكراوە ، تەنانەت ئامادەیی ئەوەی دەربڕیوە كە برە پارەیەكیش بدات بە پیاوەكە لەبەرانبەر ئەوەدا.

لەكاتی دادبینی داواكەدا ، پارێزەری ژنەكە ئاماژەی بۆ ئەوە كردووە كە بریكاردەرەكەی واتە ژنەكە شووی بە پیاوێك كردووە كە ١٣ ساڵ لەخۆی بجووكترە ، هەر لەیەكەم رۆژی هاوسەرگیرییەكەیان پیاوەكە بەپاساوی ئەوەی هەموو ناسنامە و بەڵگەنامە فەرمییەكانی لێبزر بووە داوای لە ژنەكە كردووە كە ئەو گرێبەستی كرێ و باجی ئاو و كارەبا و پارەی ئینتەرنێت لەسەر ناوی خۆی بنووسێت .

پارێزەری ژنەكە وتوویەتی: دواكاری ژن بۆ جیابوونەوە بەپێی ئاینی ئیسلام شتێكی رەوایە و ڕێی پێدراوە ، ئەوەش لەسەر بنەمای ڕیزگرتن لە مافی ژن و  وەڵامدانەوە بۆ خواستی ژن لە كۆتایی هێنان بە ژیانی ژن و مێردایەتی ئەگەر هات و بە جۆێك لەجۆرەكان زەرەرمەند بوو .

وەرگێران: ئاكۆ  عەبدوڵڵا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved