ژنێكی تەمەن 100 ساڵەی ئەڵمانی خۆی بۆ هەڵبژاردن كاندید دەكات

sharpress.net

379 جار خوێندراوه‌ته‌وه

14/04/2019‌

شارپرێس:
لیزل هایسە، مامۆستای پێشوو لەوانەی بیركاری تەمەن 100 ساڵ بڕیاریدا خۆی كاندید بكات بۆ هەڵبژاردنە ناوخۆییەكان لە شارۆچكەی كیرشهایمولاندنی ئەڵمانیا.

ناوبراو لە هەڵمەتەكەیدا فۆكەس دەخاتە سەر دووبارەكردنەوەی مەلەوانگەی تایبەت بە شارۆچكەكەی، كە لە ساڵی 2011 ەوە داخراوە و گواستراوەتەوە بۆ دەروبەری شارۆچكەكە، ئەم كارەش توڕەی كردووە، پێی وابوە داواكارییەكانی پشت گوێ دەخرێت لەبەر ئەوەی ژنێكی بەتەمەنە، ئەمەش بە گوێرەی ئاژانسی رۆیتەرز.

ناوبراو لەو بارەیەوە وتی: بەردەوام بێت دەنگیان دەكردم كاتێ قسەم دەربارەی مەلەوانگەكە دەكرد، ئەمەش هیچ مانایەك بۆ بەردەوام بوون ناهیڵێتەوە. ئێستا تەمەنم 100 ساڵە و هەڵوێستم تەواو جیاوازە، بۆیە هەلێكم لە پێشدایەو دەتوانم هەموو شتێك بڵێم.

هەرڵبژاردنەكان لە رۆژی 26ی مایۆ لە شارۆچكەی كیرشهایمبولاندن لە ویلایەتی راینلند-بالاتینات باشوری رۆژئاوای ئەڵمانیا ئەنجام دەدەرێت؛ شارەكە لە ئێستادا نزیكەی هەشت هەزار دانیشتوانی تێدایە.

هایسە لەناوخۆدا بە رادەیەكی زۆر ناسراوەو لە كۆمەڵێكی میللی بەناوی –فیر فور كیبو- كە گرنگی دەدات بە بەرگری كردن لە گەشەسەندنی بەردەوام و بەشداری كردنی زیاتری مەدەنی .

دەربارەی بۆچوونە سیاسییەكانی هایسە دەڵێ: دژی جیابونەوەی بەریتانیایە لە یەكێتی ئەوروپا، دەیەوێ گەنجان هەوڵی كێشەكانی گۆڕانی كەش و هەوا بكەن، لەم بوارەدا هیوای سەركەوتنیان بۆ دەخوازێت.

ئامۆژگاری هایسە بۆ ئەوانەی دەیانەوێت بەردەوام بن ئەوەیە: بۆ ئەوەی بگەیتە سەد ساڵ لە گەنجیدا بە شێوەیەكی تەندروست بژی.. وەرزشی زۆر بكەن، خواردنێكی باش بخۆن و راهێنان بە عەقڵت بكە.

سەرچاوە: سكای نیوز
وەرگێڕان: حلمی رەسول رەزا







ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved