"کانی سپی" خاڵاتی باشترین شۆرت دۆکۆمێنتاری لە ئیتاڵیا بە دەست دەهێنێت

sharpress.net

444 جار خوێندراوه‌ته‌وه

14/04/2019‌

شارپرێس:
بەڵگە فیلمی (کانی سپی) کە فیلمێکی کوردیە و لەباشوری کوردستان بەرهەمهێنراوە، بووە خاوەنی باشترین شۆرت دۆکۆمێنتاری لە فیستیڤاڵی بەناوبانگی پریسما لە ئیتاڵیا.


فیلمەکە بەرهەمی بەشی بەڵگەفیلمی ڕووداوە و لە دەرهێنانی (خەسرەو حەمەکەریم )ـە، فیلمەکە باس لە ٣ کچی ئێزدی دەکات کە وەک دەستکەوتی جەنگ لە لایەن داعشەوە مامەڵەیان لەگەڵدا کراوە و یەکی زیاتر لە جارێک کڕین و فرۆشتنەوەیان لەگەڵدا کراوە، هەرسێکیان کچی خانەوادەیەکن و لە سەرەتای هێرشەکانی داعشدا بۆ سەر هەرێمی کوردستان و بە تایبەتی شەنگال ڕفێندراون، ئەم خانەوادەیە تەواوی پیاوەکانیان کوژران و ٢٢ کچی خانەوادەکەیان ڕفێنران، دوای پڕۆسەی ئازادکردنی موسڵ، کچەکان زۆربەیان گەڕانەوە بۆ هەرێمی کوردستان و لە پیرۆزگای لالش و بە تایبەت بە ئاوی (کانی سپی) پیرۆز کراونەتەوە و ئیستا لە کەمپی ئاوارەکانی شاریا لە پارێزگای دهۆک نیشتەجێن.


خەسرەو حەمەکەریم دەرهێنەرێکی کوردە و خەڵکی شاری هەڵەبجەی شەهیدە و ئیستا لە شاری سلێمانی نیشتەجێیە، ماوەی شەش ساڵە لە ئەڵمانیا گەڕاوەتەوە و بە کاری فیلمسازییەوە سەرقاڵە، خاوەنی یەک کورتە فیلم و ٢٥ فیلمی دۆکۆمێنتارییە، لە دەیان فیستیڤاڵدا بەشداریی کردووە و ئەمە یەکەمینجارە یەکێک لە فیلمەکانی خەڵات بکرێن.

س.هـ






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved