ئەلیسا قسە لەسەر ماچكردنی قاچی سەرۆكی باشووری سودان لەلایەن پاپاوە دەكات

sharpress.net

1122 جار خوێندراوه‌ته‌وه

15/04/2019‌

شارپرێس:
دیمەنی ماچكردنی قاچی سەرۆكی باشوری سوودان و جێگرەكەی وایكردووە، كە زۆر لە كەسایەتییە ناودارەكانەوە قسەو باسێكی زۆر لەسەر ئەو بابەتە  بوروژێنن ، كە یەكێك لەوانە گۆرانیبێژی لوبنانی ئەلیسایە.

ئەلیسا لەسەر ئەو هەڵوێستە كاریگەرەی ماچكردنی قاچی سەركردەكانی باشووری سودان لەلایەن پاپا فرانسیسەوە ، لە تۆڕی كۆمەڵایەتی تویتەر تویتێكی كردووە نووسیویەتی: ئە‌وە كڵێساكە‌ی منە‌ و سیمبوڵی خاكەراییە وەك مەسیح‌".

هەروەها نووسیویەتی: كاتێك لەپێناو داواكردنی ئاشتیدا قاچی سەركردەكان ماچ دەكات، ئەوەی ئەو كردوویەتی لەھە‌موو ئەوە زیاترە، كە سە‌ركردە‌كانی جە‌نگ كردوویانە‌".

بەپێی ئاژانسی رۆیتەرز پاپا قاچی سیلڤا كیر سەرۆكی باشووری سودان و ڕیك نوار جێگرەكەی لەسەر ئەوە ماچ كردووە، كە هۆكار بوون بۆ  ئیمزاكردنی ڕێكەوتننامەی ئاشتی ‌و بووە هۆی كۆتاییهێنان بە شەڕی ئەهلی لەباشووری سودان .

باشووری سودان تازەترین وڵاتی درووستبووی جیهانە و نیوەی دانیشتوانەكەی مەسیحین و ساڵی ٢٠١١ لە وڵاتی سودان جیابوونەوە .

وەرگێڕان: ئاكۆ عەبدوڵڵا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved