شارپرێس:
ئیسماعیل محەمەد یاریدەدەری پاریزگاری دهۆك داوا لەوەزارەتی كۆچ و كۆجبەرانی عێراق دەكات، كە بەخێرایی كۆتایی بە دۆسییەی ئاوارەكان لە پاریزگاكە بهێنن .
ئیسماعیل محەمەد باسی لەوەش كردووە، كە بەهۆی كۆنی خێوەتەكان رەوشی كەمپی ئاورەكان زۆر خراپە ، بۆیە داوا لەوەزارەتی كۆچ و كۆجبەرانی عێراق دەكەین پكانێكی بەپەلە دابنێت بۆ چۆڵكردنی خیوەتگەكان و گەراندنەوەی ئاوارەكان بۆ ناوچەكانی خۆیان .
ئەو بەرپرسەی پاریزگای دهۆك ئاماژەی بۆ ئەوەش كردووە، كە وەرزی هاوین بەڕێوەیە و بەهۆی گەرماوە منداڵان و ژنان تووشی چەندین نەخۆشی دەبن ، ئەوە سەرباری ئەوەی پارەی پیویست لەبەردەستدا نییە تا لە خیوەتگەكانی تریشی خەرج بكەین .
بەهۆی شەڕی داعش‌و گرژییەكانی ناوچە جیاوازەكانی عێراق، چەند ساڵێكە ژمارەیەكی زۆر لەخەڵكی ئەو ناوچانە ئاوارەی هەرێمی كوردستان بوون‌و بەشێكی زۆری ئاوارەكانیش روویان لەپارێزگای دهۆك كردووە.
وەرگێڕان: ئاكۆ عەبدوڵڵا ئاڵی