"مامەڵەی سەدە" دامەزراندنی وڵاتێكی سەربەخۆی بۆ فەلەستین تێدا نییە

sharpress.net

1212 جار خوێندراوه‌ته‌وه

15/04/2019‌

شارپرێس:
ئەو پرۆژەیەی پێی دەوترێت "مامەڵەی سەدە" بۆ چارەسەری كێشەی دریژخایەنی نێوان ئیسرائیلی و فەلەستینییەكانە و لەلایەن دۆناڵد ترامپی سەرۆكی ئەمەریكاوە خاوەندارییەتی لێدەكرێت ، جگە لە باشكردنی ژیانی فەلەستینییەكان درووستكردنی دەوڵەتێكی سەربەخۆی خاوەن سەروەری بۆ فەلەستینییەكان لەخۆ نەگرتووە .

رۆژنامەی "واشنتۆن پۆست"ی ئەمەریكی بەپشت بەستن بەسەرچاوەیەك، كە ئاگاداری گرنگترین بڕگەكانی ئەو پلانەی ئەمەریكایە بۆ ئاشتی نێوان ئیسرائیلی و فەلەستینییەكان ، كە ناونراوە "مامەڵەی سەدە" رایگەیاندووە، ئەو پلانە خۆی دەبینێتەوە لە باشكردنی ژیان و گوزەرانی فەلەستینییەكان ، بەڵام وادیارە درووستكردنی دەوڵەتێكی سەربەخۆی خاوەن سەروەری تێدا نییە ، بەڵكو ئەگەری زۆر ئەوەیە پلانەكە زیاتر تیشكی خستبێتە سەر پێداویستییە ئەمنییەكانی ئیسرائیل.

هەر بەپێی رۆژنامەكە ئەو پلانە بۆ چارەسەری كێشەی فەلەستین پشت بەچارەسەری دوو دەوڵەتی نابەستێت ، وەكو ئەوەی لەگەڕەكانی پێشووتری گفتوگۆكانی ئاشتی نێوان عەرەب و ئیسرائیلییەكان و لەماوەی بیست ساڵی رابردوودا قسەی لەسەر دەكرا .

دوای دوو ساڵ لە هەوڵەكانی جارید كۆشنەری راوێژكار و زاوای دۆناڵ ترامپ بۆ ئامادەكردنی پرۆژەیەك كە ناسراوە بە " مامەڵەی سەدە" ، چاوەڕێ دەكرێت وڵاتە یەكگرتووەكانی ئەمەریكا لەماوەی وەرزی بەهار یان سەرەتای وەرزی هاوین پرۆژەكەی بۆ ئاشتی ئیسرائیل و فەلەستینییەكان بخاتە روو .

وەرگێڕان: ئاكۆ عەبدوڵڵا ئاڵی





ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved