ڕێكه‌وت زه‌كی: ٤٠ ملیار دیناری جادە ١٠٠ مەتریەکەمان لافاوەکە بردی

sharpress.net

1398 جار خوێندراوه‌ته‌وه

15/04/2019‌

شارپرێس:
ئه‌ندامێكی ئه‌نجومه‌نی پارێزگای سلێمانی ده‌ڵێ:"وەزارەتی پلاندانانی حکومەتی ھەرێم بڕی تەرخانکراوی پرۆژەی شەقامی ١٠٠ مەتری سلێمانی دیاریکردوە بە ٩٠ ملیار دینار بۆ ساڵی ٢٠١٩ لەکۆی نزیکەی ٤٧٠ ملیار دیناری سەرجەمی تێچوی پرۆژەکە".

ڕێكه‌وت زه‌كی، ئه‌ندامی ئه‌نجومه‌نی پارێزگای سلێمانی له‌هه‌ژماری خۆی له‌تۆڕی كۆمه‌ڵایه‌تی فه‌یسبوك بابه‌تێكی بڵاوكرده‌وه‌‌و تیایدا ده‌ڵێ:""بەڵێ ٤٠ ملیار دیناری جادە ١٠٠ مەتریەکەمان لافاوەکە بردی".

ئاماژه‌ی به‌وه‌شداوه‌، "وەزارەتی پلاندانانی حکومەتی ھەرێم بەنوسراوی ژمارە ٣١١٩ لە ٢٠١٨/١٢/٢٦ بڕی تەرخانکراوی پرۆژەی شەقامی ١٠٠ مەتری سلێمانی دیاریکردوە بە ٩٠ ملیار دینار بۆ ساڵی ٢٠١٩ لەکۆی نزیکەی ٤٧٠ ملیار دیناری سەرجەمی تێچوی پرۆژەکە".

به‌وته‌ی ئه‌ندامه‌كه‌ی ئه‌نجومه‌نی پارێزگای سلێمانی، "سەرەتا بڕیاربو لەکۆتایی مانگی ئادار پرۆژەکە دەستپێبکات بێگومان دوای ئەوەی تەمویلی بۆبکرێت لەلایەن وەزارەتی داراییەوە، بەڵام بەداخەوە گەشتینە ناوەڕاستی مانگی نیسان و ھێشتا تەمویلی پرۆژەکە نەکراوە".

ده‌قی نوسینه‌كه‌ی ڕێكه‌وت زه‌كی:

بەڵێ ٤٠ ملیار دیناری جادە ١٠٠ مەتریەکەمان لافاوەکە بردی!
وەزارەتی پلاندانانی حکومەتی ھەرێم بەنوسراوی ژمارە ٣١١٩ لە ٢٠١٨/١٢/٢٦ بڕی تەرخانکراوی پرۆژەی شەقامی ١٠٠ مەتری سلێمانی دیاریکردووە بە ٩٠ ملیار دینار بۆ ساڵی ٢٠١٩ لەکۆی نزیکەی ٤٧٠ ملیار دیناری سەرجەمی تێچوی پرۆژەکە، سەرەتا بڕیاربوو لەکۆتایی مانگی ئـادار پرۆژەکە دەستپێبکات بێگومان دوای ئـەوەی تەمویلی بۆبکرێت لەلایەن وەزارەتی داراییەوە، بەڵام بەداخەوە گەشتینە ناوەڕاستی مانگی نیسان و ھێشتا تەمویلی پرۆژەکە نەکراوە، لەوەش زیاتر کەمایەی نیگەرانییە ھەرچەندە بڕی تەرخانکردنەکەی بۆ ساڵی ٢٠١٩ بڕی ٩٠ ملیار دیناربوو، بەڵام کەمکراوەتەوە بۆ ٥٠ ملیار دینار لەمساڵدا واتە بەداخەوە بڕی ٤٠ ملیار دیناری لێکەمکرایەوە!!.
ئـەوە لەکاتێکدایە دوای تەواوکردنی شەقامی ١٢٠ مەتری لەشاری ھەولێری خۆشەویست وا دەستکرا بە شەقامی ١٥٠ مەتری، کە ھەموو ئـاوەدانی و پێشکەوتنێکی پایتەختی ھەرێمی کوردستان مایەی دڵخۆشی زۆرە، بەڵام نیگەرانیەکە ڵەوەدایە بۆ ھێشتا سلێمانی لە ٦٠ ی دایەو ١٠٠ یەکەشی ئـاوایە کە ھەیە!! کێ کەمتەرخەمە؟ بەبۆچۆنی من نوێنەرە بڕیار بەدەستەکانی ئـەم شارە کەبڕیاری خەرجکردنی پارەیان بەدەستە لەحکومەتی ھەرێمی کوردستان کەمتەرخەمی یەکەمن لەمەداو نازانین بۆ وادەکەن!! بەداخەوە نە پارێزگارو نەئـەنجومەنی پارێزگا دەسەڵاتی خەرجکردنی پارەی پێویستیان نییە لەو داھاتەی کەلەسلێمانی ھەیە بۆیە گەیشتینە ئـێرە..



ڕ . ج




ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved