ئایا فەیسبووك ئەپڵیكەیشنی ماسنجەر بەتەواوی لادەبات؟

sharpress.net

460 جار خوێندراوه‌ته‌وه

16/04/2019‌

شارپرێس:
زانیارییە دزەپیكراوەكان باس لە پلانی داهاتووی  كۆمپانیای فەیس بووكدەكەن بۆ چۆنییەتی مامەڵەكردن لەگەڵ ئەپڵیكەیشنی ماسنجەر.

جاین مانشۆن وۆنگ توێژەر لەبواری ئەپڵیكەیشنە زیرەكەكان لەتویتەر نووسیویەتی: وێنەكە ئەوە پیشان دەدات، كە كۆمپانیای فەیسبووك دەستبەرداری ئەپڵیكەیشنی ماسنجەر دەبێت و لەگەڵ ئەپڵیكەیشنە سەرەكییەكە تێكەڵی دەكات.

وادەردەكەوێت فەیسبووك خەریكی تاقیكردنەوەیە لەسەر دانانی دوگمەیەك، كە نیشانەی ماسنجەری پێوەبێت ، بەدەستداگرتن لەسەری راستەوخۆ بڕواتە سەر بەشی چاتكردن ، ئەوەش لەجیاتی ئەوەی وەك پێشتر بروات بۆ ئەپڵیكەیشنێكی تر بەجیا .

ساڵی ٢٠١١ كۆمپانیای فەیسبووك بۆ یەكەمجار ئەپڵیكەیشنی ماسنجەری خستەبەردەست ، بەڵام لە ساڵی ٢٠١٤ كۆمپانیاكە بڕیاریدا ماسنجەر بكاتە ئەپڵیكەیشنێكی سەربەخۆ و لەئەپڵیكەیشنە سەرەكییەكە جیایبكاتەوە ، بەڵام واپێدەچێت بڕیاریدابێت دووبارە ئەو ئەركەكانی ئەو ئەپڵیكەیشنە بخاتەوە ناو ئەپڵیكەیشنە سەرەكەییەكە .

وۆنگ پیێوایە، كە ئەپڵیكەیشنی ماسنجەر هەر دەمێنێت ، بەڵام خزمەتگوزارییەكانی بۆ خەڵكێكی جیاوازی ناو فەیسبووك بەردەست دەبێت .

لەسەر ئەو دەنگۆیانەی لەو بارەیەوە بڵاودەكرێنەوە وتەبێژی فەرمی كۆمپانیای فەیسبووك بۆ پێگەی "زافیرج" رایگەیاندووە، لەناو ئەپڵیكەیشنی فەیسبووك بەردەوام ڕێگا و شێوازی جیاواز بۆ باشكردنی نامەناردنی خەڵك تاقیدەكەینەوە.

وتەبێژی فەیسبووك راشیگەیاند، ماسنجەر ئەپڵیكەیشنێكی دەوڵەمەندە ، مانگانە زیاتر لەیەك ملیار كەس بۆ پەیوەندیگرتن لەگەڵ كەسان و كۆمپانیاكان بەكاریدەهێنن ، لەئیستادا هیچ وردەكارییەكی ترمان نییە باسی بكەین.

وەرگێڕان: ئاكۆ عەبدوڵڵا ئاڵی






ads

زۆرترین خوێندراوە

ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved