زەیدان هۆكاری شكستی ریاڵ مەدرید ئاشكرادەكات

sharpress.net

390 جار خوێندراوه‌ته‌وه

24/04/2019‌

شارپرێس:
بەپێی سەرچاوە هەواڵییەكانی ئیسپانیا، زەینەدین زەیدانی فەرەنسی‌و راهێنەری یانەی ریاڵ مەدرید، هۆكاری شكستی یانەی ریاڵ مەدریدی ئاشكراكردووە، بەڵام تائێستا چارەسەری بۆ شكستەكانیش دەستنیشان نەكردووە.

بەپێی رۆژنامەی ماركای ئیسپانی، زەینەدین زەیدان پێیوایە، هۆكاری شكستەكانی یانەی ریاڵ مەدرید بوونی گاریس بەیڵی ویڵزی‌و یاریزانی یانەكەیەتی.

هەر بەپێی رۆژنامەكە، بەیڵ كێشەی لەناو یاریزانانی ریاڵ مەدرید دروست كردووەو زۆرێك لەدۆڕانەكانی ئەم دواییەی یانەكەش بۆ ئەو یاریزانە دەگەڕێتەوە.

یانەی ریاڵ مەدرید، بە بەهای 70 ملیۆن یۆرۆ ئەو یاریزانە ویڵزییەی كڕی‌و تائێستاش 100 ملیۆن یۆرۆ لەسەر یانە مەدریدییەكە كەوتووە.

رۆژنامەكە ئەوەشی ئاشكراكردووە، كە بەهۆی ئەو كێشانەوە زەیدان دەیەوێت یانەی ریاڵ مەدرید بەیڵ بفرۆشێت، بەڵام تائێستا هیچ یانەیەك ئامادە نییە ئەو یاریزانە بكرێت.

هـ ـ ح







ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved