پرۆژەی باڵەخانەی نوێی بانكی ناوەندی عێراق لە بەغدا

sharpress.net

593 جار خوێندراوه‌ته‌وه

24/04/2019‌

شارپرێس: ئاكۆ ئاڵی
لەئێستادا پرۆژەی باڵەخانەیەكی نوێ بۆ بانكی ناوەندی عێراق لە بەغدا جێبەجێ دەكرێت كە لەلایەن ئەندازیاری تەلارسازی بەناوبانگی عێراقی زەها حەدیدەوە ( كە ئێستا كۆچی دوایی كردووە) دیزاین كراوە.

پرۆژەكە لەلایەن كۆمپانیای جیهانیی  {Daax Construction} جێبەجێ دەكرێت كە هەمان كۆمپانیایە تاوەرەكانی بڵێسە و ناوەندی حەیدەر عەلیێڤی لە باكۆی پایتەختی ئازەربایجان جێبەجێ كردووە.

لەئێستادا بەشێوەیەكی كرداری دەستكراوە بە تێكردنی كۆنكرێتی بناغەی تەلارەكە ، كە بەتەواوبوونی دەبێت بە بەرزترین تەلار لە عێراقدا و لە ٣٧ قات پیكدێت و ١٧٠ مەتر بەرز دەبێت .

باڵەخانەكە بەسەر ڕووباری دیجلەدا دەروانێت و دەكەوێتە نزیك هۆتێل بابل لە ناوجەی جادرییە .

بەهای گرێبەستی مۆركراو لەگەڵ كۆمپانیای جێبەجێكار ی پرۆژەكە ٨٠٠ ملیۆن دۆلارە ، بەڵام تێچووی دیزاینی باڵەخانەكە ٧٠ ملیۆن دۆلار بووە .

بانكی ناوەندی عێراق لەساڵی ٢٠١٢ گرێبەستێكی لەگەڵ نووسینگەی ئەندازیاری تەلارسازیی كۆچكردوو زەها حەدیدی كرد بۆ دانانی دیزاینی تایبەت بە باڵەخانەی نوێی بانكی ناوەندی عێراق. .

بەگوێرەی رێوشوینە یاساییە كارپیكراوەكان ١٨ كۆمپانیا داواكارییان بۆ جێبەجیكردنی پرۆژەكە پیشكەش كرد ، تا لەدواییدا پرۆژەكە بۆ كۆمپانیای جیهانیی {Daax Construction} دەرچوو .





ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved