لیڤەرپوڵ نرخێكی خەیاڵی لەسەر محەمەد سەلاح دادەنێت

sharpress.net

383 جار خوێندراوه‌ته‌وه

25/04/2019‌

شارپرێس:
سەرچاوە هەواڵییەكانی بەریتانیا وردەكاری نوێیان لەبارەی رۆشتنی محەمەد سەلاحی میسری‌و یاریزانی یانەی لیڤەرپوڵ لەیانەكەی ئاشكراكرد، كە یانەكەش نرخێكی خەیاڵی بۆ فرۆشتنی ئەو یاریزانە داناوە.

بەپێی رۆژنامەی دەیلی میرۆری بەریتانی، محەمەد سەلاح خۆی داوای لەئیدارەی یانەكەی كردووە، بۆ ئەوەی ریزی یانەی لیڤەرپوڵ لەهاوینی داهاتوو جێبهێڵێت، لیڤەرپوڵیش بۆ ئەوە داوای 180 ملیۆن یۆرۆ دەكات.

هەر بەپێی رۆژنامەكە، ئەو یاریزانە میسرییە ماوەی ساڵێكە پلانی بۆ رۆشتن لەیانەی لیڤەرپوڵ داناوە، ئەگەر بێت‌و یانەكەی خولی یانە پاڵەوانەكان‌و خولی ئینگلیزیش بباتەوە.

هەروەها رۆژنامەكە لەزاری سەرچاوەیەكی نزیك لەیانەی لیڤەرپوڵ ئاشكرایكردووە، بەرپرسانی یانەی ریدز بەو بیرۆكەیەی محەمەد سەلاح رازی نەبوون‌و نایانەوێت لەیانەكەیان بڕوات، ئەگەر رازیش بن بەو گرێبەستە نەبێت، ئەو یاریزانە نافرۆشن.

هـ ـ ح







ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved