شارپرێس:
سەدان مسوڵمانی سریلانكا لە شارۆچكەی نیجۆمبۆ لەسەر كەناری رۆژئاوای سریلانكا ماڵ و حاڵی خۆیان بەجێهێشتووە، ئەوەش بەهۆی ئەوەی دوای رووداوەكانی تەقینەوە خوێناوییەكان ، گرژی و ناكۆكی تایەفی لەو وڵاتە سەریهەڵداوە.
سەرچاوە هەواڵییە ناوخۆییەكان باسیان لەوە كردووە، كە سەدان مسوڵمانی پاكستانی نیشتەجێی شارێكی فرە رەگەز و تێكەڵی سریلانكان و دەكەوێتە باكووری كۆڵۆمبۆی پایتەختی سریلانكا، دوای ئەوەی لەلایەن خەڵكی ناوچەكە هەڕەشەی تۆڵەلێكردنەوەیان لێكراوە ، ماڵ و حاڵی خۆیان بەجێهێشتووە .
عەدنان عەلی، كە پاكستانییەكی مسوڵمانە لەكاتێكدا خەریكی سەركەوتنی یەكێك لەو پاسانە بوو بۆ جێهێشتنی ناوچەكە دەیوت دوای ڕوودانی تەقینەوە خوێناوییەكان ، خەڵكی مەدەنیی ناوچەكە پەلاماری ماڵەكانیان داوین ، ئێستا ئێمە نازانین بۆ كوی دەچین .
هەروەها فەرح جەمیل، كە پاكستانییەكە لە تائیفەی ئەحمەدیی باسی لەوە كردووە، كە ئەو ئافرەتەی خاوەنی ئەو خانووە بوو كە تێیدا نیشتەجێ بووین دەریكردین .
ئەو كەسە پاكستانییە ئاماژەی بۆ ئەوە كردووە، كە لەكاتێكدا لەگەڵ خەڵكێكی زۆری مسوڵمان كۆببووینەوە بۆ ئەوەی سواری ئەو پاسانە بین بۆ جێهێشتنی ناوچەكە و رۆیشتن بۆ شوێنیكی سەلامەت ، خەڵكی ناوچەكە پێیان گوتین " لێرە بڕۆن ، بۆكوێ پێتان خۆشە بڕۆن ، بەڵام لێرە نەمێنن؟.
وەرگێڕان: ئاكۆ عەبدوڵلا ئاڵی
