شارپرێس:
بەشێكی زۆری خەڵك ئاگاداری ئەوە نین، كە خواردنەوەی ئاو لەسەر سكی خاڵی یەكێكە لە ڕێگا هەرە ئاسانەكان بۆ زاڵبوون بەسەر كێشی زیادە ، كە لەم چەرخەدا بەشێكی زۆری خەڵك لەجیهاندا بەدەستییەوە دەناڵێنن .
پێگەی گۆڤاری " فۆكۆس" ی ئەڵمانی باسی لەوە كردووە، كە رۆژانە خواردنەوەی ئاو لەسەر سكی خاڵیی یارمەتیدەرە بۆ دابەزاندنی كێشی زیادەی لەش .
پێگەكە بڵاویكردەوە، ئەگەر راستەوخۆ لەدوای هەستان لەخەو پەرداخێكی گەورە ئاو بخورێتەوە ، ئەوە كاریگەری ئەرێنی لەسەر تەندرووستی دەبێت ، لەبەر ئەوەی خواردنەوەی ئاو لەسەر گەدەی بەتاڵ پرۆسەی نوێبوونەوە و پاككردنەوەی خانەكان چالاكدەكات ، كە شەوانە جەستە خۆبەخۆ ئەو پرۆسەیە دەكات ، ئەوە جگە لەوەی جگەریش بەهێز دەكات .
هەروەها پێگە بڵاویكردەوە، دەڵێت دەبێت هەموو بەیانییەك ئاو بخوریتەوە و نابێت ساردیش بێت .
هەر لەو چوارچێوەیەدا لیكۆڵینەوەیەكی پێشووتر ئەوەی دەرخستووە كە رۆژانە خواردنەوەی ئاو لەسەر گەدەی بەتاڵ كێش دادەبەزێنێت ، بۆ ئەوەش پێگەی "میدیكڵ نیوز تودەی" ئاماژەی بۆ ئەوە كردووە كە خواردنەوەی ئاو وادەكات كالۆری جەستە زیاتر بسووتێت ، ئەوە سەرباری ئەوەی ئارەزووی خوردنیش كەم دەكاتەوە.
وەرگێڕان: ئاكۆ عەبدوڵڵا ئاڵی