ئێران سەرەرای فشارەكانی ئەمریكا لەهەناردەی نەوت بەردەوامدەبێت

sharpress.net

134 جار خوێندراوه‌ته‌وه

30/04/2019‌

شارپرێس:
حەسەن روحانی سەرۆك كۆماری ئێران ڕایگەیاند بڕیاری ڕێگریكردن لە فرۆشتنی نەوتی ئێران و هەوڵدان بۆ سفركردنەوەی هەناردەی نەوتی خاوی ئێران بڕیارێكی هەڵەی ئەمەریكییەكانە ، ئاماژەی بۆ ئەوەش كرد كە سەرەرای نەیارێتی ئەمەریكییەكان لەماوەی مانگەكانی داهاتووشدا ئێران بەردەوام دەبێت لە هەناردەی نەوت بۆ دەرەوە.

ڕوحانی لەلێدوانێكیدا وتی: "ئەگەر ئەمەریكییەكان بیانەوێت دەرگایەكمان لەسەر دابخەن ، ئەوە ئێمە چەندین دەرگای ترمان هەیە" ، گوتیشی " گەلی ئێران لەوەتی شۆرشی ئیسلامییەوە ڕووبەڕووی ئەمەریكا بۆتەوە و ریسواشی كردووە".

سەرۆك كۆماری ئێران لەدرێژەی لێدوانەكەیدا ئاماژەی بۆ ئەوە كردووە كە ئەوان رێگە نادەن گوشار  بخرێتە سەر گەلی ئێران ، هەروەك سەبارەت بە چارەسەركردنی گرفتی دراوی نیشتیمانی ئێرانی گوتی تەنیا دوو ڕێگامان لەبەردەستە یەكەمیان كەمكردنەوەی پشتبەستن بە دراوی قورس یان زیادكردنی دەستكەوتنی دراوی قورس.

سەبارەت بە هەناردەی نا نەوتی ئێران روحانی وتی: " هەناردەی شمەك و كاڵای نا نەوتی ئێران گەیشتۆتە ٤٠ ملیار دۆلار ، ئەگەر ئەو ڕێژەیە بەرز بكەینەوە ئەوە دەبێتە هۆی زیادبوونی دەستكەوتنی دراوی قورس و بەدیهێنانی خۆشگوزەرانی بۆ خەڵكەكەمان و بەهێزكردنی ژێرخانی ئابووری وڵاتەكەمان.

وەرگێڕان: ئاكۆ عەبدوڵڵا ئاڵی





ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved