بەرزبوونەوەی حاڵەتەكانی گێچەڵ‌و دەستدرێژی سێكسی لەژاپۆن

هەمەڕەنگ

05/05/2019‌ 904 جار خوێندراوه‌ته‌وه

شارپرێس:
وەزارەتی دادی ژاپۆن رایگەیاند، دەستی كردووە بە ڕێوشوێنەكانی چارەسەركردنی ١٩٦٣ حاڵەتی نوێی پێشیلكردنی مافەكانی مرۆڤ لەنووسینگەكانی كاروباری یاسایی هەرێمی لەسەرانسەری وڵات بۆ ساڵی ٢٠١٨ .

بەپێی سەرچاوە هەواڵییەكان لەسەر ئاستی ساڵانە حاڵەتە نوێكانی گێچەڵی سێكسی بۆ ٤١٠ حاڵەت و بەڕێژەی ٣٥،٣% بەرزبووەتەوە .

هەر بەپێی سەرچاوەكان، پێنج ساڵی رابردوو ، ساڵانە ٣٠٠ بۆ ٣٤٠ حاڵەتی گێچەڵی سێكسی تۆمار دەكرا ، بەڵام لەساڵی ٢٠١٨ بەهۆی جوڵانەوەی (#MeToo و # هەروەها منیش) حاڵەتەكان بەڕێژەیەكی بەرچاو بەرزبوونەتەوە ، كە ئەو جوڵانەوەیە لەسەرانسەری جیهان بڵاوبۆتەوە و گرنگییەكی زۆر بە بابەتی گێچەڵی سێكسی دەدات ، ئەوەش لەڕێگای ئەو ژنانەی ئەزموونی خۆیان لەڕیگای ئینتەرنیت و لەژێر هەمان هاشتاگ بڵاو دەكەنەوە.

راپۆرتی نووسینگەكان ئەو حاڵەتانەی لەخۆ گرتووە، كە بەڕێوەبەرەكان بەشێوەی رۆژانە لێدوانی شەرهێنیان لەسەر رواڵەتی كەسیی یان لێدوانی پەیوەست بە سێكسیان بە فەرمانبەرەكانیان گوتووە ، لەو حاڵەتانەدا نووسینگەی كاروباری یاسایی تێیدا بڕیار دەدات  گێچەڵی سێكسی ڕوویداوە كە دەبێتە هۆی ئازاردانی دەروونی فەرمانبەرەكە ، ئەوە لەوكاتەدا نووسینگە هەڵدەستێت بە ئاراستەكردنی هۆشدارییەك بۆ  كەسی تاوانبار،  تا هەمان هەڵسوكەوت جارێكی تر دووبارە نەكاتەوە.

وەرگێڕان: ئاكۆ عەبدوڵڵا ئاڵی