ئەمریکا بۆ حکومەتی عێراق: کۆنتڕۆڵی گروپە چەکدارە شیعەکان بکه‌

sharpress.net

207 جار خوێندراوه‌ته‌وه

15/05/2019‌

شارپرێس:
دوو سه‌رچاوه‌ ئه‌منی رایانگه‌یاندووه‌، میایك پۆمپیۆ، وەزیری دەرەوەی ئەمریکا لە میانەی سەردانەکەی بۆ عێراق داوای لە کاربەدەستانی ئەو وڵاتە کردووە کۆنتڕۆڵی گروپە چەکدارە شیعەکانی وڵاتەکەیان بکەن.

ئاژانسی ڕۆیتەرز لە زاری دوو سەرچاوەی ئه‌منیه‌وه‌ بڵاویكرده‌وه‌، "مایك پۆمپیۆ لە میانەی سەردانەکەی ئەم دوایـیەی بۆ عێراق داوای لە کاربەدەستانی ئەو وڵاتە کردووە کۆنتڕۆڵی گروپە چەکدارە شیعەکانی وڵاتەکەیان بکەن، كه‌ لە لایەن ئێرانەوە پـشتیوانی دەکرێن".

سەرچاوەکان رایانگه‌یاندووه‌، پۆمپیۆ هەفتەی ڕابردوو لە میانەی سەردانە لەناکاوەکەی بۆ بەغدا ئەم داوایەی کردووە لە پاش زانیاریـیە هەواڵگریـیەکانی ئەمریکا کە ئاشکرایان کردووە گروپی شیعەی چەکداری سەر بە ئێران موشەکیان لە نزیک بنکەیەکی لەشکری ئەمەریکا داناوە.

پۆمپیۆ له‌میانی كۆبونه‌وه‌كاندا وتویه‌تی، "پەیامەکەی ئەمریکا ڕوونە، داوایانکردووە عێراق مسۆگەری بکات کە دەتوانێت ڕێگە لەو گروپانە بگرێت لەوەی هەڕەشە لە بەرژەوەندیـیەکانی ئەمەریکا نەکەن."

هۆشداری ئه‌وه‌شی داوه‌ته‌ به‌رپرسانی عێراق، و وتویه‌تی، "ئەگەربێت و ئەمەریکا لەسەر خاکی عێراق ڕووبەڕووی هێرش ببێت، ئەوا ئەمەریکا بۆ بەرگریکردن لە خۆی وەڵام دەداتەوە بەبێ ئەوەی پـرس بە عێراق بکات."




ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved