هەڵوێستێکى نەوشیروان مستەفا..شاناز ئیبراهیم ئەحمەد: کەسانێک یەکێتى و گۆڕانیان کردوەتە پاشکۆ

sharpress.net

4053 جار خوێندراوه‌ته‌وه

18/05/2019‌

شارپرێس:

بەرپرسێکى باڵاى یەکێتى رایدەگەیەنێن کەسانێک گۆڕان و یەکێتیان کردوەتە پاشکۆو داواش دەکات هاوپەیمانیەتى نێوانیان زیندوو بکرێتەوە.

 

شاناز ئیبراهیم ئەحمەد بەرپرسى مەکتەبى پەیوەندییەکانى بەریتانیاى یەکێتى نیشتیمانى کوردستان لە نوسینێکدا بەبۆنەى کۆچى دوایی نەوشیروان مستەفا بڵاویکردوەتەوە نوسیویەتى"لێتان ناشارمه‌وه‌ چه‌نده‌ جیابوونه‌وه‌ی كاكه‌ نه‌وه‌م له‌ یه‌كێتی پێ ناخۆش بوو ئه‌وه‌نده‌ش جێبه‌جێ نه‌كردنی هاوپه‌یمانێتیه‌كه‌ی نێوان یه‌كێتی و گۆڕانم پێ ناخۆش بوو".

 

ئاماژەى بەوەشکردوە، لەدوا دیداریدا لەگەڵ ناوبراودا نەوشیروان مستەفا رایگەیاندوە کە نیگەرانە لەجێبەجێ نەکردنى رێکەوتنەکەو وتوویەتى" دڵنیام كه‌ ئه‌وانه‌ ناهێڵن ئه‌و رێكه‌و‌تنه‌ سه‌ربگرێت وتم : ئه‌وانه‌ كێن ؟ به‌ پێكه‌نینه‌ ئارامه‌كه‌یه‌وه‌ وتی  ئه‌وانه‌ی كه‌ تۆ پێیان ئه‌ڵێت ( تووشی زه‌ردوویی بوونه‌)..!! ئه‌وانه‌ش لای ئێمه‌ و لای ئێوه‌ش هه‌ن و دڵنیام هه‌موو شتێك تێك ئه‌ده‌ن".

 

شاناز ئیراهیم ئەحمەد دەشڵێت، وتم ده‌ وه‌ره‌وه‌ با رێگریان لێ بكه‌ین ، ووتی دێمه‌وه‌ و هه‌ڵه‌كان چاك ئه‌كه‌ینه‌وه‌ به‌س .. وتم به‌س چی ؟ وتی نازانم .... داخه‌كه‌م كه‌ قه‌ده‌ر رێگه‌ی نه‌دا و سه‌د حه‌یف كه‌ نه‌توانرا ئاواتی مام و كاكه‌ نه‌وه‌ بێنینه‌ دی.

 

لەبەشێکى ترى نوسینەکەیدا، شاناز ئیبراهیم ئەحمەد، جەخت دەکاتەوە، هێشتا قه‌ده‌ری گۆڕان و یه‌كێتییان دایه‌ ده‌ستی كه‌سانێك كه‌ كردیانینه‌ پاشكۆ، هیواش دەخوازێت هاوپەیمانیەتى نێوان گۆڕان و یەکێتى زیندوو بکرێتەوە کە بەوتەى خۆی دوا وەسێتى تاڵەبانى و نەوشیروان مستەفا بووە.

س.هـ






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved