دایكی بەزیندوویی ناشتبووی.. سەگێك كۆرپەیەك لەمردن رزگاردەكات

sharpress.net

1229 جار خوێندراوه‌ته‌وه

20/05/2019‌

شارپرێس:
لەباكووری تایلاند سەگێك بەناوی "بینگ بونگ" منداڵێكی ساوا لەمردن رزگاردەكات، ئەوەش دوای ئەوەی دایكە هەرزەكارەكەی بەزیندوویی ناشتبووی.

بەگوێرەی راپۆرتە ناوخۆییەكان دایكە تەمەن ١٥ ساڵەكە، بۆ رزگاربوون لەكۆرپەكە، كە بەدرێژایی سكپڕییەكەی لە دایك و باوكی شاردبۆوە هەستاوە بەزیندەبەچاڵكردنی .

بینگ بونگ، كە تەمەنی شەش ساڵە  لەكێڵگەیەكی گوندی "بان نونگ خام" بە وەڕین و زەوی هەڵكۆڵین خەڵكی ئاگادار كردۆتەوە، خاوەنی سەگەكە دەڵێت قاچی منداڵە ساواكەمان بینی لەناو گڵەكەدا دەركەوت.

خەڵكی گوندەكە بەخێرایی منداڵە ساواكەیان گەیاندۆتە نەخۆشخانە ، لەوێش پزیشكەكان پاكیان كردۆتەوە و پشكنینیان بۆ كردووە ، دەركەوتووە كە ساواكە تەندرووستی زۆر باشە .

تۆمەتی پشتگوێخستنی منداڵە ساواكە و كوشتنی بەئەنقەست ئاراستەی دایكەكە كراوە ، ئەویش گوتوویەتی كە ئەو  كارەی لە ترسی دایك و باوكی كردووە ، تا نەزانن سكی پڕبووە.

ئەفسەری پۆلیسی ناوەندی پۆلیسی شوم فۆنگ بە رۆژنامەی بانكۆك پۆستی گوتووە لەبەرئەوەی ساواكە زۆر بە قوڵی ژێرخاك نەخراوە بۆیە نەخنكاوە ، ئاماژەی بۆ ئەوەش كردووە كە دایكەكە ئێستا لەژێر چاودێری پزیشكی دەروونیی و دایك و باوكیدایە .

ئەو دەشڵێت: دایكەكە ئێستا پەشیمانە لەو كارەی كردوویەتی ، راپۆرتەكانیش دەڵێن دایك و باوكی كچەكە بڕیاریانداوە منداڵی كچەكەیان بەخێو بكەن .

وەرگێڕان: ئاكۆ عەبدوڵڵا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved