چاویلكەیەك بۆ دیاریكردنی جۆری سەر سووڕان لەمرۆڤ دروست دەكرێت

sharpress.net

132 جار خوێندراوه‌ته‌وه

22/05/2019‌

شارپرێس:
لێكۆڵەران توانیویانە چاویلكەیەك دروستبكەن، كە دەتوانێت بەپێوانی جوڵەكانی چاو و تۆماركردنیان، جۆری سەر سووڕان دیاری بكات.

بەپێی هەواڵێكی ئاژانسی ئاسین ئیج، سەر سووڕأن شێوازیكی گێژخواردنە، كە ناهاوسەنگی و كێشەی بەڕێگا ڕۆیشتن، دانیشتن و هێڵنجدانی بەدوادا دێت. 

سەر سووڕان شێوازی جۆراوجۆری هەیە، كە هۆكار و دەرمانی جیاوازی هەیە، لەبەر ئەوە دیاریكردنی دروستی ئەو، بۆ دەرمانكردنی گرنگە.

میریام ڤیلگامپولا، نووسەر لەم لێكۆڵینەوەدا دەڵێت: بەپێی سەیركردنی جوڵەكانی چاو دەتوانیت جۆری سەرگێجەی كەسەكان دیاری بكەیت.

ئەو لێكۆڵینەوە لەسەر 117 كەس ئەنجامدرا، كە دوچاری سێ جۆر سەرگێجە بووبوون، لەم گروپە 43 كەسیان نیشانەی منیێر سیندرۆم (Meniere syndrom=، كە جۆرە خەلەلێكە كاریگەری لەسەر گوێی ناوەڕاست دەكات) دوچاربوون، هەروەها 67 كەسیان تووشی میگرین (Migraine) و 7 كەسی تریشیان دوچاری سەرگێجەی هێرشاوی بێ كێشە (حمیدە) بوون، كە یەكێك لە لەسەرگێجە بەربڵاوەكانە.

لەو جێگاوە، كە جۆری جوڵەكانی چاو پەیوەندی بەسەرگێجەوە هەیە، لێكۆڵەڕان لە توێژینەوەكانی خۆیاندا  ئەم چاویلكانەیان بەنەخۆشەكانیان داوە، تا جووڵەی كونتڕۆڵنەكراوی چاوی ئەوان تۆمار بكات.

هەر بەپێی توێژینەوەكەش، ئەم چاویلكە توانیی سەرگێجەی جۆری (Meniere syndrom) بەوردی و ڕێكی دیاری بكات.

وەرگێڕان: یاسین نادر





ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved