شارپرێس:
بەمەبەستى تاووتوێکردنی چەند پرسێک و پەیوەندییەکانی ھەردوو وڵات، وەزیری دەرەوەی ئێران سەردانی بەغداد دەکات.
ئاژانسی ھەواڵی فارس بڵاویکردەوە، رۆژی شەممە محەمەد جەواد زەریف وەزیری دەرەوەی ئێران سەردانی بەغداد دەکات و لەگەڵ لێپرسراوانی عێراق تاووتوێ دوایین گۆرانکارییەکانی ناوچەکە و پەیوەندیەکانی بەغداد و تاران دەکات.
ئەم سەردانە هاوکاتە لەگەڵ گرژییەکانى نێوان ئەمریکا و ئێران سەرى هەڵداوەو لەو نێوەندەشدا عێراق لە هەوڵى نێوەندگیرى ئەو دوو وڵاتەدایە.
س.هـ