نرخی نەوت گەورەترین دابەزینی هەفتانەی تۆماردەكات

sharpress.net

147 جار خوێندراوه‌ته‌وه

24/05/2019‌

شارپرێس:
دابەزینی نرخی نەوت لەبازاڕەكانی جیهانە، بەشێوەیەك لەماوەی هەفتەیەكدا گەورەترین دابەزینی ساڵی 2019ی تۆماركردووە.

بەپێی ئاژانسی رۆیتەرز، لەكۆتا مامەڵەكانی رۆژ نرخی نەوتی پێوانەیی برێنتی جیهانی 3.23 دۆلار بەرێژەی 4.6% دابەزیوەو هەر بەرمیلێكی بە 67.76 دۆلار مامەڵەی پێوەكراوە.

هەر بەپێی ئاژانسەكە، نرخی نەوتی پێوانەیی ئەمریكا، كە نەوتی سوكی رۆژئاوای تەكساسی ئەو وڵاتەیە، لەكۆتا مامەڵەكان 3.51 دۆلار بەرێژەی 5.7% دابەزیوەو هەر بەرمیلێكی بە 57.91 دۆلار مامەڵەی پێوەكراوە.

دابەزینی نرخی نەوت پەیوەندی بەزۆربوونی بەرهەمی ئەمریكا لەماوەی هەفتەی رابردوو هەیە، كە كاریگەری گەورەی لەسەر بازاڕەكانی جیهان داناوە.

هـ ـ ح







ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved