نۆ سەعات خەوتن لە رۆژێكدا مەترسی لەسەر مێشك درووست دەكات

sharpress.net

387 جار خوێندراوه‌ته‌وه

29/05/2019‌

شارپرێس: 
ئەوەی زانراوە ئەوەیە، كە ئەوانەی شەوانە لە پێنج سەعات كەمتر دەخەون ئەو رووبەرووی گرفتی تەندرووستی دەبنەوە ، بەڵام لێكۆڵینەوەیكی نوێ ئەوەی ئاشكرا كردووە زیادەرەویش لە خەوتن هەمان زیانی تەندرووستی هەیە .

لێكۆڵینەوەكە دەڵێت نۆ كاتژمێر خەوتن لە شەوێكدا زیانی گەورە لە یادەوەری مرۆڤ دەدات هەروەك چۆن پێنج كاتژمێر خەوتن لە شەوێكدا زیانی بۆ بیرەوەری هەیە .

ئەنجامی لێكۆڵینەوەكە دەشڵێت خەوتن بۆ ماوەیەكی زۆر كاریگەری دەبێت لەسەر توانای بیركردنەوە هاوشێوەی ئەو كەسەی كە بەدەست كەمخەوییەوە دەناڵێنێت .

توێژەران پێیان وایە ئەوكەسانەی بۆماوەیەكی زۆر دەخەون ئەوە خەوێكیان دەبیت كە لەرووی كوالیتییەوە خراپترە ، ئەوەش رێ لەبەشەكانی مێشك دەگرێت  بەشێوەیەكی راست لەگەڵ یەكتری پەیوەندی بگرن.

ئەلبێرت هنری سەرپەرشتیاری سەرەكی لێكۆڵینەوەكە كە لە گۆڤاری “International Journal of Epidemiology”، بڵاوكراوەتەوە دەڵێت " هەندێ بەڵگەمان دەستكەوتووە كە دەیسەلمێنێت كەمخەوی و زۆر خەوتن پەیوەندییان هەیە بە مەترسییەكانی تووشبوون بە خەڵەفان ، بەڵام هێشتا پێویستمان بە توێژینەوەی تر هەیە.

وەرگێران: ئاكۆ عەبدوڵڵا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved