تەمەنی 4500 ساڵە.. گەردەلوولێك شانشینێكی نقوومبووی ژێرئاو دەردەخات

sharpress.net

1995 جار خوێندراوه‌ته‌وه

30/05/2019‌

شارپرێس:
دوای ئەوەی لەكۆتایی مانگی نیسان گەردەلوولێك لەبەریتانیا هەڵیكرد ، لەئەنجامدا بووە هۆی ئاشكراكردنی دارستانێك كە تەمەنی ٤٥٠٠ ساڵ زیاترە .

بەهۆی بەهێزی زریانەكەوە ئاوی دەریاكە كشاوەتەوە بۆ دواوە و لم و درەختی شاراوەی لەژێر ئاوەكە دەركەوتوون ، درەختەكان كە بەبەرد بوون كەوتوونەتە نێوان هەردوو گوندی پۆرس و ئینیسلاس لە كەنداوی كاردیجان لە هەرێمی وێڵز .

دوای ئەوەی ئاستی ئاوی دەریاكە بەرز بۆتەوە دارستانەكە وردە وردە و بەدرێژایی هەزاران ساڵ كەوتۆتە ژێر چینەكانی گژ و گیای بەخەڵووز بوو و لم و ئاوی سوێر  ، درەختە بەبەردبووەكانیش لەژێر ئاوەكە بەهۆی ئەو چینە چیلكە بەخەڵووزبووانەدا  بەپارێزراوی ماونەتەوە .

هەروەك دارستانەكە پەیوەندی بە ئەفسانەیەكی سەدەی حەڤدە بەناوی  شارستانی سمیس " شانشینی ژێرئاوكەوتوو" هەیە ، كە واگومان دەكرێت رۆژێك لەرۆژان زەوییەكی بەپیت بووبێت و شارۆچەكەیەكی تێدا بووبێت كە چەند دەروازەیەك لە زریان و گەردەلوول پاراستوویانە .

ناوچەكەش بەسێوەیەكی بەردەوام كەوتۆتە بەر رەشەبا و گەردەلوولی بەهێزەوە ، تاوەكو لەسەدەی شەشەم ئاو شازدە گوندی ژێرئاو خست و سەدان كەس بەهۆیەوە خنكان .

وەرگیران: ئاكۆ عەبدوڵڵا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved