شارپرێس:
لێكۆڵینەوەیەكی پزیشكی نوێی ئەمەریكی هۆشداری دەدات لەوەی، كە تووشبووانی نەخۆشی شەكرە لە جۆری دوو ، ئەگەری هەیە تووشی نەخۆشی چەوری جگەر ی نا كحوولی ببن (NAFLD).
چەوری جگەری گەلێك لێكەوتەی تەندرووستی ترسناكی هەیە ، وەك شێرپەنجەی جگەر و ریشاڵ بوون و شكستهێنانی لە جێبەجێكردنی ئەركەكانیدا .
نزیكەی ٢٠% ئەوانەی تووشی نەخۆشی چەوری جگەری ناكحوولی بوون ، دیسان تووشی هەوكردنی چەوری جگەری ناكحوولی بوونەتەوە.
توێژەرانی كۆلیژی بایلۆر لە هیوستنی ئەمەریكا ، دوای لێكۆڵینەوە لەسەر ١٨ ملیۆن كەس كە تووشی نەخۆشی شەكرە لەجۆری دووەم بوو بوون زیاتر ئەگەری تووشبوونیان هەبووە بە نیشانەكانی هەوكردنی چەوری جگەری ناكحوولی.
یەكێك لە تویژەرەكان دەڵێت: نەخۆشی شەكرە یەكێك لە هۆكارە مەترسیدارە سەرەكییەكانە بۆ گەلێك كیشەی تەندرووستی تر نەوەك هەر بۆ نەخۆشییەكانی جگەر ، بەڵكو بۆ نەخۆشییەكانی گورچیلە و مێشك وەستان و ئەو نەخۆشیانەی لە قاچەكان روودەدەن .
سەرپەرشتانی ئەو لێكۆڵینەوەیە زۆر بە گرنگی دەزانن هۆشیاری لەسەر نەخۆشیی NAFLD لەناو پزیشكان زیاد بكرێت لەپێناو زوو ئاشكراكردنی نەخۆشییەكە .
بەپێی لێكۆڵینەوەكە كەمكردنەوەی كیش لەرێگای پاریزكردنەوە یان وەرزشكردنەوە یارمەتی باشبوونی ئەو نەخۆشانە دەدات.
وەرگێران: ئاكۆ عەبدوڵڵا ئاڵی